Qafqaz Xəbər Agentliyi 16 oktyabr tarixdə Bakı şəhəri, Binəqədi rayonu, Rəsulzadə qəsəbəsi, S.Məmmədova küçəsi, ev 55/57 ünvanında yaşayan Əli Mahmud oğlu Əkbərovun redaksiyamıza müraciətini dərc eləmişdi.IMG 20140920 WA0000 resized 475x26611 Zərərçəkən ölkə başçısından kömək istəyir
Qısa xatırlatma üçün bildirək ki, Əli Əkbərovun divar qonşusu, Bakı ŞİH-nin maliyyə idarəsinin rəisi Elçin Rəhim oğlu Əliyev Şəhərsalma və Tikinti Məcəlləsinin 69-cu maddəsinin müvafiq tələblərini, eyni zamanda qonşuluq münasibətlərini kobud şəkildə pozaraq qonşusuna məxsus yaşayış evindən 1 metr məsafədə 7 mərtəbəli qeyri-yaşayış sahə inşa etdirmişdir. Bu isə Əli Əkbərov və ailəsi üçün ciddi problemlər yaradır.
Sözün düzü, Əli Əkbərovun müraciətini araşdırarkən maraqlı faktlarla rastlaşdıq.
Birincisi, dövlət paytaxtının maliyyə işlərinə rəhbərlik edən yüksək vəzifəli bir şəxsin qanunları, qaydaları belə kobud şəkildə pozması, eyni zamanda uzun illər qonşu olduğu insanlara qarşı belə sayqısızlıq etməsi bizi xeyli düşündürdü. Bu şəxs kimə arxayındır ki, belə hərəkətlərə yol verir? Digər tərəfdən bizneslə məşğul olması qanunla qadağan olan məmurda bu qədər pul haradandır?
Bu sualları araşdırmaq bizə xeyli maraqlı materiallar verdi.Hesen Mirzeyev Zərərçəkən ölkə başçısından kömək istəyir
Məlum oldu ki, Elçin Əliyev məşhur “91-lər”in nümayəndəsi, Milli Məclisin keçmiş üzvü Həsən Mirzəyevin kürəkənidir. Çox gözəl. Bizim “91-lər”ə də, Həsən müəllimə də hörmətimiz var. Ancaq Həsən Mirzəyevin kürəkəni olmaq ölkə qanunlarını ayaq altına atmağa əsas vermir. Elçin Əliyev həm də nəzərə almalıdır ki, ayağı altına atdığı qanunların qəbul olunmasına qaynatası Həsən Mirzəyev əli ilə səs verib. Heç olmasa bunu nəzərə alsın.
Görünür, vəzifə sahibləri ilə qohum olmaq Elçin Əliyevdə eyforiya yaradıb və hesab edir ki, bu qohumluq münasibətləri onun üçün təminatdır.
Elçin Əliyev İPOTEKA Fondunun icraçı direktoru Fəxri Kazımovla da qohum-qudadır. Olsun. Ancaq yüksək vəzifəli qohumların sayının artması əsas vermir ki, qonşunun hüquqlarını tapdalayasan.faxri kerimov Zərərçəkən ölkə başçısından kömək istəyir
Eyni zamanda onu da qeyd edək ki, biz dəfələrlə İPOTEKA Fondunun fəaliyyətindəki neqativ hallara toxunmuşuq. Hələki birini qeyd eləsək yetər. Fondun direktoru Fəxri müəllim tikilən binanı, yaxud mülkü özünə yaxın olan şəxsin adına alır və sonra həmin şəxs aldığı əmlakı Fəxri müəllimin fonduna 3-4 dəfə baha qiymətə satır. Beləliklə fondun direktoru ortada milyonlara sahib çıxır. Yəni qudalar dövlətin onlara göstərdiyi etimadı belə “doğruldurlar”.
Bir sözlə, Elçin Əliyev nə tutduğu vəzifəyə, nə də qohum olduğu şəxslərin adına yaraşan əməllərlə məşğul olur.
Sonda onu da qeyd edək ki, zərərçəkən Əli Əkbərov Binəqədi RİH-ə, Bakı ŞİH-ə və digər dövlət qurumlarına müraciətinin heç bir fayda vermədiyini görüb Binəqədi rayon məhkəməsinə iddia ərizəsi ilə müraciət edib. Zərərçəkən eyni zamanda onun hüquqlarının qorunması üçün saytımız vasitəsilə ölkə başçısından kömək istəyir.
Möhtərəm Prezident!
Məlumat üçün bildirirəm ki, uzun illərdir ki, mən ailə üzvlərimlə birlikdə Bakı şəhəri, Binəqədi rayonu, Rəsulzadə qəsəbəsi, S.Məmmədova küçəsi, ev 55/57 ünvanında yaşayıram. Mənim evimə yaxın məsafədə yerləşən Bakı şəhəri, Binəqədi rayonu, Rəsulzadə qəsəbəsi, S.Məmmədova küçəsi, 55 ünvanında isə Əliyev Elçin Rəhim oğlu yaşayırdı. Lakin 2014-cü ildə Əliyev Elçin Rəhim oğlu həmin evi sökdürərək yerində qanunsuz olaraq qeyri-yaşayış binasının inşasına başlamışdır. Xeyli müddətdir ki, həmin tikilinin inşası davam edir və tikilinin inşası zamanı biləvasitə mənim mülkiyyət hüququm və eyni zamanda qonşuluq hüququm pozulur.
Belə ki, Əliyev Elçin Rəhim oğlu həmin qeyri-yaşayış binasını Şəhərsalma və Tikinti Məcəlləsinin 69-cu maddəsinin müvafiq tələblərini pozmaqla mülkiyyət hüququ üzrə mənə məxsus fərdi yaşayış evinə 1 metr ara məsafədə inşa etdirir. O mülki hüquq münasibətlərini tənzimləyən hüquq normalarına, həmçinin digər qanunvericlik aktlarına riayət etmədən, tikinti normaları və qaydalarına əməl etmədən qanunsuz olaraq həmin binanın tikintisinə başlamış və hazırda inşasını davam etdirir. Dəfələrlə bu barədə onunla söhbət aparmışam, gələcəkdə hər hansı bir mülki mübahisənin baş verməməsi üçün qonşuluq prinsipinə uyğun bu məsələnin könüllü şəkildə həll olunmasını ona təklif etmişəm. İlk söhbətimizdən sonra mülkiyyətimdə olan evi satın almaq qərarına gəlmiş, lakin sonradan evi daha ucuz qiymətə məndən almaq üçün aramızda olan razılığı pozmuşdur. Elçin Əliyev elə hesab edirdi ki, inşa etdirdiyi qeyri-yaşayış binası evimə bitişik vəziyyətdə olduğundan evimi ona ucuz qiymətə satmaq məcburiyyətində qalacam. Bu səbəbdən də o aramızda baş tutmuş razılığı məqsədli şəkildə sonradan pozmuşdur.
Cənab Prezident !
Əliyev Elçin Rəhim oğlu Bakı Şəhər İcra Hakimiyyətində Maliyyə İdarəsinin rəisi vəzifəsində çalışır və tikintinin təyinatını nəzərə alsaq həmin qeyri-yaşayış binasını gələcəkdə qazanc əldə etmək məqsədi ilə inşa etdirir. Həmin binanın evimə baxan hissəsində 40 sayda pəncərə vardır. O qazanc əldə etmək məqsədi ilə inşa etdirdiyi binanı istifadəyə verdiyi andan öz mülkiyyətimdən istifadə etmək hüququm tam məhdudlaşdırılacaq. Bununla bərabər həmin binanın yerləşdiyi ərazidə çoxlu sayda eyni layihə əsasında inşa edilmiş fərdi yaşayış evləri mövcuddur. Həmin evlərin cərgəsində yerləşən bu bina ərazinin memarlıq üslubuna uyğunluğunu tamamilə pozur. Bundan başqa qeyri-yaşayış binasını gələcəkdə təbiİ qaz təchizatı ilə təmin edəcək xətlər yer altı aparılmışdır. Bu da bir başa real təhlükənin baş verməsinə səbəb ola biləcək əsas amillərdən biridir. Digər tərəfdən həmin qeyri-yaşayış binasının su təchizatını təmin edəcək su anbarı Nəsimi metro stansiyasının üst hissəsində tikilmiş, həmçinin həmin bina Bakı şəhəri kanalizasiya kollektorunun üstündə inşa olunmuşdur. Bu da sözsüz ki, öz-özlüyündə təhlükəli amillərdən biri hesab olunur.
Bununla bərabər qeyri-yaşayış binasının evimə yaxın məsafədə tikilməsi təhlükəsizlik baxımından qanuna tam ziddir. Çünki istər yaşayış, istərsə də qeyri-yaşayış binalarında hər an yangın təhlükəsinin baş verməsi qaçılmazdır. Lakin həmin bina ilə evimin ara məsafəsi baş verə biləcək yangın təhlükəsinin qarşısını almaq üçün yanğın söndürən maşınların girişi və hərəkəti üçün tam əlverişsizdir. Belə olan halda gələcəkdə yanğın təhlükəsi baş verə biləcəyi zamanı həmin təhlükənin qarşısının alınması üçün müəyyən şəraitin mövcud olmaması real təhlükənin baş verməsinə yol açır. Bundan başqa qeyri-yaşayış binası evimə düşən günəş şüasının qarşısını alır və bu da gələcəkdə evimin rütubətli olmasına gətirib çıxara bilər. Sözsüz ki, rütubətli evdə yaşamaq insan sağlamlığına ciddi ziyandır. Lakin göründüyü kimi bu vəziyyət və eyni zamanda gələckdə yarana biləcək hər hansı bir xoşagəlməz hadisə qətiyyən Elçin Əliyevi maraqlandırmır. Onu yalnız gələcəkdə qeyri-yaşayış binasından əldə edəcəyi gəlir düşündürür. Bütün bu qeyd olunanlara baxmayaraq bir Azərbaycan vətəndaşı kimi ümidim Sizədir.
Cənab Prezident!
Qeyd etdiklərimi nəzərə alraq Əliyev Elçin Rəhim oğlu tərəfindən Bakı şəhəri, Binəqədi rayonu, Rəsulzadə qəsəbəsi, S.Məmmədova küçəsi, 55 ünvanında qanunsuz inşa edilən qeyri-yaşayış binasının inşasının dayandırılması və eyni zamanda mövcud tikilinin sökülməsi barədə aidiyyəti qrumlara göstəriş verməyinizi Sizdən xahiş edirəm.
