Bu sahədə taxıl əkilmişdi. Su verilmədiyinə görə bütün taxıl sahəsi məhv olub. Hər il eyni səbəbdən min hektarlarla əkin və meyvə sahələri məhv olub gedir. Ölkə rəhbəri öz çıxışlarında dəfələrlə bildirib ki əkilməyən torpaqlara ya ağır cərimə tədbiq edilməlidir və ya sahiblərindən geri alınmalıdır. Bəs fermer torpağı əkib becərirsə, su dərdindən zəhməti və parası hədər olursa onun cəriməsini kim ödəməlidir?
Azərbaycanda əkinə yararlı torpaqların heç 30 faizi davamlı sulama potensialına malik deyil. Baxmayaraq ki , ölkəmizin ərazisindən iki bol sulu cay Kür və Araz cayları axır. Kənd Təsərrüfatında məğlubiyyətimizin birinci səbəbi Meliorasiya və Su Təsərrüfatı ASC yarıtmaz fəaliyyətidir. Bu sahədə düzən yaradılmayana qədər yeni Kend Tesərrüfatı Naziri İnam Kərimov qucağına quzu yox öküz də alıb şəkil çəkdirsədə xeyri yoxdur.
1993 cü ildən bu sahəyə rəhbərlik edən Əhmədzadənin müqəddəs və toxunulmaz şəxsiyyəti sahəsində Meliorasiya və Su Təsərrüfati ASC ölkəmizə vurduğu ziyani inanmiram ki Ermənistanın hansısa strukturu vura bilsin . Bu sahə özünü "gözdən -könüldən" uzaq saxlasada bütün rayon və digər strukturu ilə birgə respublikada ən çox korrupsiyaya və rüşvətə bulaşmış sahədir. Bütün respublika üzrə sorğu keçirin , görün bir kənd adamı bir hektar yerə görə neçə manat ödəyəcəyi haqqında məlumatı varmi? Və yaxud su pulu ödədiyinə görə əlində ödəniş ceki olan bir kəndcini tapsaniz şəklini cəkib muştuluq əvəzi Əhmədzadəyə göndərin . Ölkə rəhbəri əkin sahələrinin sulanması üçün öz fondundan 250 artizian quyulari üçün vəsait ayirdi . Sorğu keçirin görün o artizianlarin neçesi daha çox ehtiyacı olan yerlərdə və rüşvət verilmədən vurulub? Kimdə rüşvətini verib öz sahəsində artizian quyusu vurdurubsa ,özünə lazim olanda acib sulayir özünə lazim olmayanda ağzinin baglayib acarini dədə malı kimi çibinə qoyur. Beləliklə ölkə başcisinin sərəncamindan əvvələr oldugu kimi qazananlar qazandi ,sadə kəndci yenədə hec bir fayda görə bilmədi.
Bu idarənin əməkdaşları kəndçinin suya ehtiyac olan vaxtı qəsdən 5-10 gün gərginlik yaradirlar və sonra başlayirlar bazarliğa . Hektarına 20 manat verən zülümlə , 50 manat verən keflə sulaya bilər . Dövlətin texnikası işciyə pulla satılır və aylıga icarəyə verilir. Kanala baxan cuvar bir bazar acıb sahə rəisi başqa bazar. Kim pul verirsə deyir get suyunu ac sula . Halbu ki kanalın su tutumuna görə su bölgüsü düzğün aprılmalıdırki , hem su itğisi olamsın həm də gərginlik yaranmasın .Sən öz sahənə su acırsan yarım saat sonra bir başqası sənin suyunu kəsib öz sahəsinə acır . Beləliklə nə sən əkinini sulaya bilirsən nə diğər kəndçilər . Üc-dörd günə sulaya biləcəyin sahəni 20-25 günə sulaya bilirsən və bir ayılırsan ki ikinçi suyun vaxtidir. Onada ki, nə həyan qalır nə də halın. Əkini buraxırsan Allahın ümidinə. Bu söylədiklərim Şəmkir rayonunda olanlardı və inanmıram ki , diğər rayonlarda vəziyyət bundan yaxşı olsun.
Bizdə mart cixdi dərd cıxdı dərd cıxdı deyirlər . Amma kəndci ücün əsil dərd martdan sonra başlayır. Martdan düz sentyabra qədər kəndçi qalir içra hakimiyyəti ilə su idarəsinin arasinda . Hərəsi bir yalan danişir hərəni bir çür yola verirlər. Höküməti aldatmaq olur , xalqi aldatmaq olur , amma bu anası ölmüş bitkini aldatmaq olmur axı. Əkinə , meyvəyə , bitkiyə su versən dirilir su verməsən ölür. Sezonda ən azi 3-4 dəfə sulanmasi lazım olan taxil,arpa,qarğadali ,günəbaxan ən yaxşi halda bir dəfə sulanirsa orda hansi məhsuldarliqdan, hansi qazancdan söhbət gedə bilər ? Kənd Təsərrüfatı Nazirliyi , Əhmədzadənin idarəsi və diğər aidiyyatı qurumlar hec olmasa bir dəfə bir masa ətrafında müzakirə aparması lazımdır ki , hər rayonda nə qədər əkin sahəsini ,meyvə bagcasını davamlı su ilə təmin edə bilərlərsə kəndci bədbəxdə ona ğörə işlərini apara bilsin ki, sonradan yazda əkinçi qışda dilənçi olmasin. Fermerin , kəndçinin ugur əldə etməsi ücün A -dan Z -yə əkin ,səpin,suvarma ,texniki və loğistik dəstək,ğömrük və bazarlama ardıcıl və vaxtında təşkil edilməsi lazımdır. Bunlarin hec biri ardiçıl təşkil edilmədiyinə görə Dövlət bu illər ərzində KTN ,Aqro Lizinqə, Meliorasiya və Su Təsərrüfatı ASC milyardlarla pul ayırsada nəticə sifirdir. Ölkənin ərzaq təminatının 60-70 faizi qonşu ölkələrin hesabına təmin edilir.
Əgər torpağa vaxtinda su verilmirsə yeni sort toxum əkməyin , yeni texnologiyanin tədbiqi, gübrəyə və yanacağa dövlətin etdiyi ğüzəştin bir qəpiklik faydası olmayacaq. Necəki yoxdur. Almaniyada əhalinin 1.7 faizi kənd təsərrüfati ilə məşğul olsada özlərini məhsulla təmin etməklə yanaşı dünyaya 100 milyardlıq məhsul satırlar. Ərazisi bizim ölkənin yarısı qədər olan Hollandiya hər il xaricə 200-250 milyardlıq kənd təsərrüfatı məhsulları satır. Amma əhalisinin 42 faizi aqrar sahədə çalişan Azərbaycan heç bir məhsulla özü özünü təmin edə bilmir . Birinci səbəbdə Su Meliorasiya işinin düzgün təşkil edilməməsidir. Halbuki bu sahəyə indiyənə qədər dövlət necə milyard vəsait ayırıb və 1993 ildən bu sahəyə rəhbərlik edən Əhmədzadədən bunun hesabatını soruşanda olmayıb. Bəzən adama elə ğəlirki bu qədər strateji və vacib sahə ya unudulub ,ya da müstəsna toxunulmaz elan olunub.Hər nədirsə hec bir icra orqanı bunların işinə qarışa bilmir. Belədə baxanda niyədə qarışsın ? Zatən kəndcinin bir-iki hektarini suzsuzluqdan yandırıb icra hakimiyyətinin , nazirlərin min hektarlarla əkin sahəsini su ilə təmin edən bu idarə deyilmi? Bu idarədə calışanlar özlərini o qədər təhlükəsizdə hiss edirlər ki , nə qanundan nə kəndcinin ahından nə də Allahın qəzəbindən qorxurlar. Prezidentin Yol Xəritəsinidə elə ilk gündən suya axıdıblar gedib. Əhmədzadənin müqəddəs və toxunulmaz şəxsiyyətinin kölgəsində rüşvətdən alıb yan verib yan yatırlar. Kəndçini yazda əkinçi qışda dilənçi edən , ölkə iqtisadiyyatına hər il yaritmaz iş fəaliyyətinə görə 100 milyonlarla ziyan vuran , kənd təsərrüfatındakı məğlubiyyətimizin bir nömrəli səbəbkarı olan Meliorasiya və Su Təsərrüfati ASC rəhbərliyi isə bu qədər gərginliyə baxmayaraq nə narahat olur, nə işini yenidən təşkil etmək haqqında düşünür, nə fəryad edən səsləri eşidir, nə də sussuzluqdan məhv olan əkin sahələrini görür. Gözləri və qulaqları kar, bir rüşvət alan əlləri açıqdır. \\istiqlal.az\\
