Fövqəladə Hallar Nazirliyinin (FHN) Aviasiya Dəstəsi Rusiyanın Milli Aviasiya Xidməti Şirkəti (“Национальная Авиационно-Сервисная Компания”) ilə satınalma müqaviləsi imzalayıb.
Yeniavaz.com xəbər verir ki, müqavilənin şərtlərinə görə, Rusiya şirkəti FHN-in Aviasiya Dəstəsinə məxsus “Mi-17-1V” tipli helikopterdə 2 ədəd sükan vintinin, 2 dəst aparıcı vint pərlərinin, 1 ədəd baş reduktorun və 1 ədəd aparıcı vint kalonkasının istismar müddətlərinin artırılması xidmətini göstərəcək.
Məlumata görə, bu xidmətin qarşılığında FHN Rusiya şirkətinə 659 min 368 manat ödəyəcək. İşlərin bu ilin sonunda başa çatacağı bildirilir.
Məlumat üçün bildirək ki, 1977-ci ildən istehsal olunan hərbi təyinatlı “Mi-17” helikopterlərindən dünyanın onlarla ölkəsində istifadə edilir.
Onu da qeyd edək ki, “Mi-17” helikopterləri ən çox qəzaya uğrayan hava nəqliyyat vasitələrindən biri hesab olunur. Bu helikopter Azərbaycanda da 2 dəfə qəzaya uğrayıb. 11 fevral 2013-cü ildə Azərbaycan Hərbi Hava Qüvvələrinin “Mi-17”si Xəzər dənizinə düşüb, 3 nəfər həlak olub. 30 noyabr 2021-ci ildə isə Azərbaycan Dövlət Sərhəd Xidmətinin “Mi-17” helikopteri Xızıda qəzaya uğrayıb və 14 nəfər yüksək rütbəli hərbçi ölüb, 2 nəfər isə yaralanıb.
Son 25 ildə “Mi-17” helikopteri ilə bağlı qeydə alınan qəzalar və digər insidentlər aşağıdakı kimi sıralanıb:
16 sentyabr 2000 – Şri-Lankada naziri daşıyan “Mi-17” qəzaya uğrayıb, 15 nəfər ölüb;
30 iyul 2005 – Cənubi Sudanda “Mi-17” qəzaya uğrayıb, prezident Con Qaranq da daxil olmaqla 14 nəfər həlak olub;
12 yanvar 2008 – Makedoniya ordusuna məxsus “Mi-17” qəzaya uğrayıb, 11 nəfər ölüb;
3 mart 2008 – İraq ordusunun “Mi-17”si Bayci yaxınlığında qəzaya uğrayıb, 8 nəfər həlak olub;
31 may 2008 – Çin Xalq Azadlıq Ordusunun “Mi-171”i Sıçuanda qəzaya uğrayıb, 18 nəfər ölüb;
14 yanvar 2009 – Əfqanıstan ordusunun “Mi-17”si Heratda qəzaya uğrayıb, 13 nəfər, o cümlədən general-mayor Fəzl Əhməd Sayar ölüb;
3 may 2009 – Venesuela ordusunun “Mi-17V-5”i qəzaya uğrayıb, 17 nəfər həlak olub;
14 fevral 2010 – Yəməndə “Mi-17” qəzaya uğrayıb, 14 nəfər ölüb;
28 iyul 2010 – İraq ordusunun “Mi-17”si qum fırtınasında qəzaya uğrayıb, 5 nəfər ölüb;
19 noyabr 2010 – Hindistan Hərbi Hava Qüvvələrinin “Mi-17si qəzaya uğrayıb, 12 nəfər həlak olub;
19 aprel 2011 – Hindistanda “Mi-17” qəzaya uğrayıb, 17 nəfər ölüb;
18 may 2012 – Venesuelada “Mi-17” təlim zamanı qəzaya uğrayıb, 4 nəfər həlak olub;
11 iyul 2012 – Pakistan ordusunun “Mi-17”si Skardu yaxınlığında qəzaya uğrayıb, 5 nəfər ölüb;
30 avqust 2012 – Hindistanda iki “Mi-17” havada toqquşub, 9 nəfər ölüb;
11 fevral 2013 – Azərbaycan Hərbi Hava Qüvvələrinin “Mi-17”si Xəzər dənizinə düşüb, 3 nəfər həlak olub;
25 iyun 2013 – Hindistanda 2Mi-17V-25 xilasetmə əməliyyatı zamanı qəzaya uğrayıb, 20 nəfər ölüb;
16 sentyabr 2013 – Türkiyə F-16 təyyarəsi Suriyaya məxsus “Mi-17”ni vurub, 2 ekipaj üzvü xilas olunub;
9 noyabr 2013 – İndoneziyada “Mi-172 yanaraq qəzaya uğrayıb, 13 nəfər ölüb;
7 iyul 2014 – Vyetnamda “Mi-171” qəzaya uğrayıb, 20 nəfər həlak olub, yalnız 1 nəfər sağ qalıb;
10 iyul 2014 – Makedoniya polisinin “Mi-17”si təlim uçuşu zamanı qəzaya uğrayıb, 4 nəfər ölüb;
13 mart 2015 – Serbiyada körpələri daşıyan “Mi-17” qəzaya uğrayıb, 7 nəfər həlak olub;
8 may 2015 – Pakistan ordusunun “Mi-17”si qəzaya uğrayıb, Norveç və Filippin səfirləri də daxil olmaqla bir neçə nəfər ölüb;
13 may 2015 – Banqladeş ordusunun “Mi-17”si qəzaya uğrayıb və alovlanıb, 3 nəfər ağır xəsarət alıb;
28 iyul 2015 – Slovakiyada “Mi-17” təlim uçuşu zamanı qəzaya uğrayıb, 1 pilot ölüb, 2 nəfər yaralanıb;
2015, Suriya – Rusiyanın “Mi-8AMT” helikopteri yaraqlılar tərəfindən atəşə tutulub, 1 dəniz piyadası ölüb;
27 mart 2016 – Əlcəzair Hərbi Hava Qüvvələrinin “Mi-17”si qəzaya uğrayıb, 12 hərbçi ölüb, 2 nəfər yaralanıb;
4 avqust 2016 – Pakistana məxsus “Mi-17” Əfqanıstanda qəzaya uğrayıb, 6 nəfər girov götürülüb, sonra azad ediliblər;
27 noyabr 2016 – İranın Yas Air şirkətinə məxsus “Mi-17” Xəzərdə qəzaya uğrayıb, 5 nəfər ölüb;
31 dekabr 2016 – Venesuela Ordusunun “Mi-17”si Amazonasda qəzaya uğrayıb;
29 may 2017 – Şri-Lankada daşqın zamanı “Mi-17” təcili eniş edib, xəsarət alan olmayıb;
6 oktyabr 2017 – Hindistanda “Mi-17V-5” helikopteri qəzaya uğrayıb, 7 nəfər ölüb;
3 yanvar 2018 – Banqladeşin “Mi-17”si Küveyt nümayəndələrini daşıyarkən qəzaya uğrayıb, hamı sağ qalıb;
11 iyun 2018 – Bolqarıstanda “Mi-17” təyyarəsi qəzaya uğrayıb, 2 nəfər həlak olub;
3 aprel 2018 – Hindistanın “Mi-17”si Kedarnatda qəzaya uğrayıb, hamı sağ qalıb;
27 fevral 2019 – Hindistanda “Mi-17” Budqamda qəzaya uğrayıb, 7 nəfər (6 heyət, 1 mülki şəxs) ölüb;
13 may 2019 – Çində “Mi-171” qəzaya uğrayıb, 6 ekipaj üzvü ölüb;
8 yanvar 2020 – Əfqanıstanda “Mi-17” qalxışdan sonra qəzaya uğrayıb;
11 fevral 2020 – Suriya Hərbi Hava Qüvvələrinin “Mi-17”si vurulub, bütün heyət ölüb;
14 fevral 2020 – Suriyanın digər “Mi-17”si İdlibdə vurulub, bütün ekipaj həlak olub;
6 mart 2020 – Myanmada “Mi-17” qalxışdan sonra qəzaya uğrayıb;
6 iyun 2020 – İndoneziyada “Mi-172 qəzaya uğrayıb, 4 nəfər ölüb, 5 nəfər sağ qalıb;
7 iyul 2020 – Peruda “Mi-17” çaya düşüb, 7 sərnişin həlak olub;
13 oktyabr 2020 – Əfqanıstanın 2 “Mi-17” helikopteri havada toqquşub;
10 noyabr 2020 – Əfqanıstanın “Mi-17” təyyarəsi havaya qalxarkən qəzaya uğrayıb;
18 mart 2021 – Əfqanıstanın “Mi-172 helikopteri yerli silahlılar tərəfindən vurulub, 9 təhlükəsizlik əməkdaşı həlak olub;
24 iyun 2021 – Keniyaya məxsus “Mi-172 Kajiadoda qəzaya uğrayıb və alovlanıb;
25 avqust 2021 – Meksika Hərbi Dəniz Qüvvələrinin “Mi-17”si qəzaya uğrayıb, 4 nəfər yaralanıb;
30 noyabr 2021 – Azərbaycan Dövlət Sərhəd Xidmətinin “Mi-17”si Xızıda qəzaya uğrayıb, 14 hərbçi ölüb, 2 nəfər yaralanıb;
8 dekabr 2021 – Hindistanın “Mi-17V-5” helikopteri qəzaya uğrayıb, general Bipin Ravat və 13 nəfər həlak olub;
26 aprel 2022 – Meksikanın “Mi-17-1V”si Mazatlanda qəzaya uğrayıb, 5 dəniz piyadası yaralanıb;
12 yanvar 2024 – Şri-Lanka Hərbi Hava Qüvvələrinin “Mi-17” helikopteri Mərkəzi Afrika Respublikasında qəza enişi edib, hamı sağ qalıb;
7 fevral 2024 – Əlcəzairin “Mi-171” helikopteri El Menia yaxınlığında qəzaya uğrayıb, 3 ekipaj həlak olub;
29 aprel 2024 – Kolumbiya Ordusunun “Mi-17”si qəzaya uğrayıb, 9 əsgər ölüb;
May 2025 – Myanma vətəndaş müharibəsində “Mi-17” FPV pilotsuz aparatla vurulub.