"Bayram günündə ABB-dən "online" qaydada anamın adına pensiya kreditinə müraciət etdim. Qeyd edim ki, aktiv kredit də var idi... təxminən 1990 manat civarında..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Elnur Rəhimli adlı istifadəçi gileylənir.

Narazı vətəndaş daha sonra bildirir (müraciəti olduğu kimi təqdim edirik): "Qeyd olundu ki, kredit bağlanmaq şərti ilə 3200 manat kredit ayrılacaq üstəgəl 59 ay ilə. Razılaşdım. Bu həftənin 1ci günü yani 05.01.2026cı il tarixin də anamla Sumqayıt filialına yaxınlaşdım . Xanım çox gözəl, mədəni şəkildə qarşıladı şərtlıri izah etdi. Əməkdaş xanım da eyniylə qeyd etdi ki, keçmiş kreditiniz bağlanmaqla 3200 manat kredit ayrılıb 59 ay aylıq 108 manat. Faiz dərəcəsi də 31.9%. Hər birinə razı olub qol çəkdik. Bizə məbləğin karta yatacağını bildirib kartda təqdim etdilər. Bura qədər hər şey gözəl idi. Bu günə qədər. Bu gün yani 07.01.2026cı il tarixin də Sumqayıt da krediti təsdiqlədiyimiz filialın bankomatından kredit məbləğindən hissə olaraq sadəcə 1000 manat çıxartdım və balansın 173 manat olduğunu gördüm. Dərhal çat bölməsinə yazıb vəziyyəti izah etdim, xanım mənimlə dirəşdi ki, sizə köhnə kreditiniz bağlamaqla ümumilikdə 3200 manat ayrılıb. Yani 1990 manat bağlanıb üstündə sadəcə 1173 manat verilib. 1000 manatı çıxartmışam 173 manat qalıb. Xanıma heç cür heçnəyi izah edə bilmədim. Filiala da yaxınlaş bilmirəm işimlə əlaqədər. Anam da yaşlıdı özü tək gedə bilmir. Xanıma deyirəm ki, yaxşı mən savadsızam siz hesablayın. Mənə ümumilik də 3200 manat ayırmısız. 59 ayda ödənişim var həm də 108 manatdan. Buda təqribən 6300 manat civarında məbləğ edir. Deyirəm ki, yaxşı ona belə çıxır ki, 3200 manat kreditə qarşı mən 3100 manat ödəməliyəm sizə? 100% ilə? Azərbaycan Beynəlxalq Bankı əgər vaxtında bu məsələni həll etməsəz Mərkəzi bank və məhkəməyə müraciət edəcəm..."