"Baku Electronics-dən "onlayn" sifarişlə "Yoshiro" termopot aldım. Sifariş çatdırıldı, termopotu yoxladım və məlum oldu ki, suyu süzmək düyməsi işləmir. Bəlkə də nasosu işləmir..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Leyla Abadova adlı istifadəçi gileylənir.
Narazı vətəndaş daha sonra bildirir: "Sifariş "onlayn" olsa da, məni təkidlə mağazaya yönəltdiılər. Mağazada isə məlum oldu ki, yanlışlıqla yönəldiblər. Cavabları belə oldu ki, servisə gedin, çünki artıq termopota su tökmüsünüz, yəni işlətmisiniz. Maraqlıdır çayniki başqa necə yoxlamaq olar? İçərisinə su tökməsəydim, suyu süzmədiyini necə biləcəkdim?
Daimi müştəri olsam da, çox narazıyam və termopotları heç kəsə tövsiyyə etmirəm.
Müştəri xidmətindən də heç razı qalmadım..."
