Azərbaycan qanunvericiliyi deputatın biznes fəaliyyəti ilə məşğul olmasını qadağan edir. Lakin buna baxmayaraq, bəzi deputatlar bunu görməzdən gəlir. "DİA-AZ" xəbər verir ki, belə deputatlardan biri də Kəmaləddin Qafarovdur.

Kəmaləddin Qafarov artıq dörd çağırışdır ki, deputatdır. O, birinci dəfə 2015-ci ildə deputat seçilib. Parlamentdə 9 saylı Binəqədi ikinci seçki dairəsini təmsil edir.

O, deputat seçilməzdən əvvəl Milli Onkologiya Mərkəzinin (MOM) baş direktor müavini vəzifəsində çalışıb. Paralel olaraq biznes fəaliyyəti ilə məşğul olub.

Mediada gedən məlumatlardan aydın olur ki, Kəmaləddin Qafarovun biznes imperiyası əczaçılıqdan tutumuş tikinti sahəsinə qədər əksər gəlirli sektorları əhatə edir. Deputatın əsas biznes subyektlərindən biri "Azəru Med" Qapalı Səhmdar Cəmiyyətidir (QSC). Bu şirkət adına əsasən dövlət satınalmalarında rast gəlinir. Tibbi ləvazimatlar və avandanlıqlarını satışını həyata keçirən "Azəri Med" QSC əsasən MOM-un tenderlərini qazanır. Şirkətin qazandığı tenderlər üzrə satınalma müqavilələrinin maliyyə dəyəri adətən milyonlarla manat olur.

Bundan başqa, "Azeri Med" "Tibbi Market"i ləvazimatlar və avadanlıqlarla təzhiz edir. Deputat indiyədək bu iddiaları təkzib etməyib.

Bakıda fəaliyyət göstərən "Versal Palace" şadlıq sarayının da deputata məxsus olduğu bildirilir. Şadlıq sarayı "Versal Palace" MMC kimi vergidə qeydiyyatdadır. Bu MMC-nin qanuni təmsilçisi Qafarov Cəlaləddin Nəsrəddin oğludur. Bu şəxs Kəmaləddin Qafarovun qardaşıdır.

Depuata aid edilən başqa şirkətlər də var. Bunlar "Versal Palace" MTK, "Kanon" MMC,"Shafran" MMC, "Avestafarm" MMC, "Mega Pharmacy" MMC, "Naturalist" Fərdi Firması, "Helios Paharma" MMC və "Salidont LTD"-dir. Son iki şirkət Azərbaycandan kənarda yaradılıb.

Qeyd edək ki, bir neçə gün əvvəl Kəmaləddin Qafarovun TƏBİB rəhbərliyinə iddiasının olduğu haqda xəbərlər yayıldı. Lakin fakt odur ki, "yuxarılar" kifayət qədər KİRLİ reputasiyası olan birisinə etimad göstərmədi. Əlavə edək ki, bu məsələ sosial şəbəkələrdə də geniş müzakirələrə səbəb olub. Jurnalist İlqar Şahmaroğlu özünün sosial şəbəkə hesabında belə yazır: "Kəmaləddin Qafarov çox insafsız adamdı. Əhalinin ümidsiz xəstəliyinə - xərçəngə yoluxmuş hissəsinin qanını sorur. Onkologiya... Rusiyada bizim pulla 1 manat 50 qəpik olan dərmanı 25 manat satırlar korpusun içərisində. Şəhərin digər apteklərində tapmaq mümkün deyil.
Xəstələr tanıyıram ki, Allaha yalvarırlar: kaş onları soyanlar xərçəngə yoluxalar..."

Yazının davamı mütləq olacaq... Bizi izləməyə davam edin...