Azərbaycan Respublikası Baş Prokuroru
cənab Zakir Qaralova
Surəti: Bakı Şəhər Prokuroru
cənab Əziz Seyidova
Surəti: Azərbaycan Respublikası Daxili İşlər Naziri
cənab Ramil Usubova
Bakı şəhəri, Binəqədi rayonu, Ə.Naxçıvani küçəsi, ev 27, mənzil 20-də yaşayan
Hüseynova Nəzakət İmran qızı tərəfindən
cənab Zakir Qaralova
Surəti: Bakı Şəhər Prokuroru
cənab Əziz Seyidova
Surəti: Azərbaycan Respublikası Daxili İşlər Naziri
cənab Ramil Usubova
Bakı şəhəri, Binəqədi rayonu, Ə.Naxçıvani küçəsi, ev 27, mənzil 20-də yaşayan
Hüseynova Nəzakət İmran qızı tərəfindən
ŞİKAYƏT
Bakı şəhəri, Yasamal rayonu, Z.Xəlilov küçəsi, 14 saylı yataqxananın sakinləri Cabbarova Dostxanım Rafiq qızı, Rüstəmova Sara Məmməd qızı, Mirzəyeva Atlas Adil qızı, Yusifova Aynur Oruc qızı Guya tərəfimdən ona qarşı dələduzluq edilməsi ilə bağlı Yasamal RPİ-yə müraciət etmişdir. Həmin şikayətlə bağlı müstəntiq Asif Əliyev dəfələrlə məni polis idarəsinə çağırmış və izahatım alınmışdır.
Müstəntiq Asif Əliyevin 28.11.2015-ci il tarixli qərarı ilə cinayət işinin başlanması rədd edilmişdir.
Cabbarova Dostxanım Rafiq qızı, Rüstəmova Sara Məmməd qızı, Mirzəyeva Atlas Adil qızı, Yusifova Aynur Oruc qızının çoxsaylı şikayətlərindən sonra Yasamal rayon prokuroru cinayət işinin başlanmasının rədd edilməsi barədə qərarı ləğv eləmişdir.
12.02.2016-ci il tarixdə sonuncu dəfə Yasamal RPİ-nin İŞ-nə dəvət olunmuşam və izahatım alınmış, sonra məni idarənin müvəqqəti saxlama məntəqəsində saxlamışlar, qeyd edilən şikayətçilər ilə üzləşdirmişlər, sonrada AR CM-nin 178.2.2 və 178.2.4-cü maddələri ilə təqsirləndirilən şəxs qismində cəlb edərək həbs qətimkan tədbirinin seçilməsi üçün məhkəməyə aparmışlar.
Yasamal rayon məhkəməsinin 13.02.2015-ci il tarixli qərarı ilə barəmdə həbs qətimkan tədbirinin seçilməsindən imtina olunmuşdur.
Məhkəmənin qərtarında da qeyd olunmuşdur ki, hazırki məsələ mülki mübahisədir.
Yenidən araşdırma aparılmış Müstəntiq Asif Əliyevin 19.07.2016-ci il tarixli qərarı ilə əməlimdə cinayət tərkibi olmadığında barəmdə AR CM-nin 178.2.2 və 178.2.4-cü maddələri ilə başlanılmış 160090080 saylı cinayət işinə xitam verilmişdir.
Bildirmək istəyirəm ki, mən şikayət vermiş şəxslərdən Dostxanımı tanıyıram, digər şəxsləri isə tanımıram, onlardan pul almamışam.
Belə ki, evimə yaxın yerləşən, qohumum Tahirənin işlədiyi və tez tez getdiyim “Qadın qaleriyası” adlı salonda işləyən Mətanət, Şəfayət, Sevinc və Aygün adlı xanımlar məndən borca pul verən tanışımın olub – olmamasını soruşmuşlar, mən də onlara
Dostxanım və Elza adlı faizə pul verən tanışımın olmasını bildirmişdim. Sonradan Dostxanımdan aylıq 10 faiz olmaqla faizə pul alıb Mətanət, Şəfayət, Sevinc və Aygün adlı xanımlara vermişəm. Həmin xanımlar da özləri şəxsən Dostxanıma pulu aybaay qaytarmışlar və bir hissəsini də mənim vasitəm ilə qaytarmışlar.
Aparılmış araşdırma zamanı Hüseynova Nəzakət İmran qızının Cabbarova Dostxanım Rafıq qızını aldadaraq pullarını etibardan sui-istifadə etmə və aldatma yolu ilə ələ keçirməsi faktı heç bir sübut növü ilə təqsdiq edilməmişdir. Eyni zamanda tam sübuta yetirilmişdir ki, Hüseynova Nəzakət İmran qızı Cabbarova Dostxanım Rafik qızından qeyd olunan pulları 10 faiz xeyir qaytarmaqla almış, həmin pulları da Mətanət, Şəfayət, Sevinc və Aygün adlı qadınlara vermiş və həmin qadınlar da ondan aldığı pulları faizi ilə Nəzakət Hüseynovaya və Nazakət Hüseynova da həmin pullan Dostxanım Cabbarovaya vermişdir.
Beləliklə, aparılmış araşdırma ilə müəyyən edilmişdir ki, Hüseynova Nəzakət İmran qızının Cababrova Dostxanım Rafık qızını və qeyrilərini aldadaraq pullarını dələduzluqla ələ keçirməsi halları olmamış, onun hərəkətlərində dələduzluq cinayət əməlinin tərkibi yoxdur, tərəflər arasında mülki xarakterli mübahisələr olmuş və ona görə də toplanmış material üzrə cinayət işinin başlanması rədd edilməlidir, prokuror tərəfindən yenidən iş təzələnmiş və təkrar araşdırmadan sonra işə xitam verilmişdir.
Qeyd etmək istəyirəm ki, barəmdə cinayət işi başlanaraq məndən külli miqdarda pul alınması üçün Dostxanım süni ittiham sübutlarının yaradılması üçün qonşuları olan digər şəxslərlə şikayət yazmışlar.
İstintaq tərəfindən ilkin olaraq işə düzgün qiymət verilərək barəmdə cinayət işinin başlanılması rədd edilmiş, sonradan isə barəmdə haqsız olaraq cinayət işi başlanılmışdır və yenidən xitam verilmişdir.
Hazırda Dostxanım öz cinayətkar əməlindən əl çəkmir, o, özü kimi faizə pul verən digər xanım, mənim keçmiş qonşum olmuş, Qəhrəmanova Elza Məmmədağa qızını tapmış, hazırda o, da ərizə verərək zərərçəkmiş kimi işə qoşulımuşdur.
Bildirmək istəyirəm ki, Elzadan mən pul almamışam, ona bir dəfə Şəfayət adlı xanımı calamışam, o, Şəfayətin tanışı olan Turan adlı xanıma faizə pul vermişdir.
Cənab Prokuror:
Maraqlısı budur ki, şikayətçilərin hamsı qeyd edirlər ki, guya mən onlardan borc pul almışam və qaytara bilmədiyim təqdirdə onlara qaçqınkomda işləyən hansısa qohumum vasitəsilə onlara ev alıb verəcəm. Elzada qeyd etmişdir ki, guya mənə 8000 borc vermiş, mən də qaytara bilməmişəm, o, buna baxmayaraq qızının təhsil haqqını ödəmək üçün yenidən mənə 3000 manat vermiş mən də gedib ödəməmişəm.
Bildirirəm ki, mənim qaçqınkomda hər hansı bir tanışım yoxdur, Elzanın qızının harda oxumasından da xəbərim yoxdur.
Bu iftiralar sadəcə faizə pulı verən Dostxanım, Aynur və Elzanın uydurmasıdır ki, mənim əməlimdə cinayət tərkibi yaratmaqçun ortaya atılıb.
Eyni zamanda bildirirəm ki, Cabbarova Dostxanım Rafiq qızı, Rüstəmova Sara Məmməd qızı, Mirzəyeva Atlas Adil qızı, Yusifova Aynur Oruc qızı şikayət ərizəsi ilə Yasamal rayon Polis İdarəsinə müraciət edərək Zamanova Şükufə İbadulla qızının onlara qarşı dələduzluq etməsini bildirmişlər.
Bu barədə müstəntiq Yelmar Vahabovun icraatında cinayət işi vardır.
Həmin işddən də məlum olur ki, onlar Aynur tərəfindən Şükufəyə faizə borc pul verilib, o, həmin pulu artıqlaması ilə qaytarmasına baxmayaraq onlar artıq pul qoparmaq üçün guya Şükufənin onlara qarşı dələduzluq etməsi barədə şikayət ediblər.
Həmin iş üzrə də çoxsaylı şahid ifadələri ilə məlum olmuşdur ki, Yusifova Aynur Oruc qızı sələmə pul veririr və pulu qaytarmayan şəxslərdən pulunu Polis vasitəsilə alır.
Cənab prokuror:
Göründüyü kimi, ümumiyyətlə hazırki münasibətlər əvvəla mülki, yəni borc münasibətləridir.
Cabbarova Dostxanım Rafiq qızı, Rüstəmova Sara Məmməd qızı, Mirzəyeva Atlas Adil qızı, Yusifova Aynur Oruc qızı və Qəhrəmanova Elza Məmmədağa qızı qanunsuz olaraq Sələmçiliklə məşqul olmaqla yanaşı süni ittiham sübutlarının yaradılması üçün bir mütəşəkkil dəstə formasında fəaliyyət göstərirlər, istədikləri şəxs barəsində cinayət işi qaldırmaq üçün bilə-bilə yalan ifadə verməklə yanaşı hətta müstəntiqlərə də təsir göstərirlər.
Belə ki, Dostxanım, Aynur və Elza hazırki iş üzrə üzləşmələr zamanı dəfələrlə mənə bildirmişlər ki, onların Daxili İşlər Nazirliyində tanışları var, hətta müstəntiq onların xeyrinə işi aparmasa belə onlar müstəntiqdən şikayət edərək onu işdən çıxaracaqlar. Onların sözünü hətta Daxili Işlər Naziri cənab Ramil Usubova da çatdıran adamları var.
Sonuncu dəfə Dostxanım mənə müstəntiqin yanında bildirdi ki, onların adamı onları cənab nazir Ramil Usubovun yanına qəbula istənilən an sala bilər və əgər onlar qəbula girsələr müstəntiqi işdən çıxaracaqlar və məni də göstəriş verilməklə tutacaqlar.
Mən bildirdim ki, cənab nazir araşdırma aparandan sonra sizin əməllərinizə hüquqi qiymət veriləcək, lakin dostxanım mənə bildirdi ki, nazir araşdırma aparmır.
Göründüyü kimi, şikayətçilər çoxdandı sələmə pul verməklə məşquldurlar, onlar dəfələrlə sələmlərini qaytara bilməyən və ya gecikdirən şəxslər barəsində müxtəlif orqanlara şikayət etməklə cinayət işi qaldırmışlar, onlar bizim hüquq sistemin necə işləməsindən xəbərdardırlar. Onlar yaxşı bilirlər ki, bir adam barəsində bir neçə şəxs şikayət edərsə onun barəsində cinayət işi açdırmaq asan olur. Hətta polis idarəsindən belə bizə bildirdi ki, problem ondadır ki, sizin barədə şikayət edən şəxslər çox olduğuna görə onlar dəstə ilə şikayətlərə gedirlər və şikayətçilərin çox olmasına görə sizin haqlı və ya haqsız olmağınıza baxan yoxdur.
Bu səbəbdən Sizdən xahiş edirəm.
Cabbarova Dostxanım Rafiq qızı, Rüstəmova Sara Məmməd qızı, Mirzəyeva Atlas Adil qızı, Yusifova Aynur Oruc qızı və Qəhrəmanova Elza Məmmədağa qızının barəsində AR CM-nin 296.2-ci (süni ittiham sübutlarının yaradılması) və 297.1-ci (bilə bilə yalan ifadə vermə) maddəsi ilə cinayət işi başlanılması barədə;
Yasamal Rayon Polis İdarəsinin İŞ-dən mənim və Zamanova Şükufə İbadulla qızının barəsində başlanmış cinayət işlərini götürərək istintaqını hazırki şikayətimlə birlikdə Prokurorluqda aparılması barədə;
Cabbarova Dostxanım Rafiq qızı, Rüstəmova Sara Məmməd qızı, Mirzəyeva Atlas Adil qızı, Yusifova Aynur Oruc qızı və Qəhrəmanova Elza Məmmədağa qızının digər şəxslər barəsində eyni məzmunlu şikayətlərin olmasını müəyyən etmək üçün müvafiq tədbirlərin görülməsi barədə göstəriş verəsiniz.
Hörmətlə;
İmza: Hüseynova Nəzakət İmran qızı. 15.08.2016
DİA.AZ olaraq bütün maraqlı tərəflərin mövqeyini işıqlandırmağa hazırıq...
