“Daşnaksütyun” Partiyası (terror təşkilatı - red.) ilə Ermənistanın sabiq prezidenti Robert Köçəryanın bloku arasında gərginlik yaşanır.

Teleqraf xəbər verir ki, bu bardə “İravunk” qəzeti məlumat yayıb.

Nəşr yazıb ki, “Daşnaksütyun”un parlamentdə təmsil olunmayan təmsilçiləri 2026-cı il parlament seçkilərində ayrıca siyahı ilə iştirak imkanlarını aktiv şəkildə müzakirə edir:

“Mənbələrimiz deyirlər ki, partiya “Ermənistan” fraksiyasının deputatı Levon Köçəryanın onların blokunun Robert Köçəryanın rəhbərliyi ilə qarşıdan gələn seçkilərdə iştirak etmək niyyətində olması ilə bağlı son bəyanatını bəyənməyib.

“Daşnaklar” iddia edirlər ki, onlar bəzi dairələrdə müstəqil şəkildə seçkilərə qatılmaqla nəinki öz nüfuzlarını xilas edə, hətta Köçəryan ailəsinin adı ətrafında yaranmış blokla birləşməkdən yayınaraq daha çox səs toplaya biləcəklərinə əmindirlər”.