“Azərbaycanın əsas hissəsi ilə Naxçıvan arasında açılacaq yol region üçün yeni fürsətlər yaradır”.

Teleqraf xəbər verir ki, bu barədə İranın keçmiş xarici işlər naziri Məhəmməd Cavad Zərif bildirib.

“Yeni yaranmış imkanlara və gələcəyə baxmalıyıq, indi İranın bunun üçün güclü təməlləri var. Bu, fürsətlər və ehtimallarla zəngin bir gələcək ola bilər. Bu fürsətləri (İran, ABŞ və Avropa arasında mümkün) nüvə sazişində görə bilərik. Həmçinin, bu fürsəti Naxçıvan-Azərbaycan marşrutunda (ölkəmizin əsas hissəsi ilə muxtar bölgəmiz arasında açılacaq Zəngəzur dəhlizini nəzərdə tutur – red.) bilərik. Hətta bunu Amerika şirkətləri və podratçılarının köməyi ilə də edə bilərik. Bu, regiona təhlükəsizlik və rifah gətirəcək. Ərəb dünyasındakı qonşularımızla da nüvə sazişi və digər məsələlərdə əməkdaşlıq edə bilərik”, - keçmiş nazir vurğulayıb.

M.C.Zərif Cənubi Qafqazda Azərbaycan, Türkiyə, İran, Rusiya, Gürcüstan və Gürcüstandan ibarət 3+3 formatının da regionda sülh və inkişaf baxımından yaxşı imkanlar yaratdığını qeyd edib.