"Dünya mediasında, “qiymətlər ən yüksək səviyyəyə qalxdı”, kimi müxtəlif xammal, neft, qaz, əlvan metallarla bağlı məlumatlar yazılır və bizim media da həmin xəbərləri tirajlayır..." "DİA-AZ" xəbər verir ki, bunu özünün sosial şəbəkə hesabında ReAL Partiyasının sədri Natiq Cəfərli qeyd edib.
O daha sonra fikrini belə davam etdirir: "Sadəcə məlumat üçün:
1) Dünyada ən yüksək neft qiymətləri 2008-ci ilin iyun-iyul aylarında olub, bir barel neft 147-148 dollara satılıb – indi qiymət 115 dollar civarındadı,
2) Dünyada ən yüksək təbii qaz qiymətləri 2022-ci ilin iyul-avqust aylarında qeydə alınıb, 1000 m3 qazın birjalarda dəyəri 3890 dollara qədər bahalaşıb – bu gün 1000 m3 qazın qiyməti 750-760 dollardır,
3) Bir ton alüminiumun rekord qiyməti 2022-ci iidə qeydə alınıb, dünya bazarında 1 tonun qiyməti 4073 dollar olub – bu günə qiymət 3428 dollardır.
Yəni, dostlar, bəli, dünya birjaları çalxalanır, amma, xəbərləri araşdırıb yazmaq daha doğrudur, fəlakət ssenarilərindən, “ən çox, ən yüksək”, epitetlərindən uzaq durmaq lazımdır, çünki, həqiqətə uyğun deyil..."
