Ölkə rəhbərliyi banklara dəstək göstərir ki, onlar da öz növbəsində sıravi vətəndaşların və sahibkarların dirçəlməsinə yardımçı olsunlar.
Şübhəsiz ki, bankirlərin xarakter və davranışları bilavasitə cəmiyyətdəki atmosferə də təsir edir. Əgər bankir vicdanlıdırsa, ondan kredit alan vətəndaşlar həm özü dolanır, həm bankdan borcunu vaxtlı-vaxtında verir, həm də dövlət büdcəsinə vergilər daxil olur.
Yox, əgər bankir tamahkar və vicdansızdırsa… o, nəinki vətəndaşların müflisləşməsinə səbəb olur, eyni zamanda dövlət büdcəsinə ikiqat ziyan vurur. Çünki müflisləşən vətəndaşlar gələcəkdə dövlətə daha çox xeyir vermək, daha çox insanı işlə təmin etmək imkanlarından məhrum olurlar. Biz Qafqazews.az olaraq, bu və digər hallar barədə davamlı yazmış, müxtəlif problemləri araşdıraraq, cəmiyyətə təqdim etmişik.
Yəqin ki, Azərbaycan Beynəlxalq Bankının sabiq rəhbəri Cahangir Hacıyevin əməlləri barədə oxucularımız unutmayıb. Dövlətdən və vətəndaşlardan oğurlanılan milyonlar barədə ölkə mətbuatı çox yazıb. Lakin təəssüflər olsun ki, Cahangir Hacıyev yolunu gedən bankirlər hələ də bank sistemində qalmaqda və “kifayətdir” demədən, öz ciblərini doldurmaqdadırlar.
Bu günlərdə redaksiyamıza Beynəlxalq Bankın Gəncə filialının müdiri Sabit Fətizadə barədə məlumatlar daxil olub.
Apardığımız araşdırmalar zamanı əldə etdiyimiz məlumatdan bəlli olur ki, Beynəlxalq Bankın yeni rəhbəri bölgələrdə filial müdirlərini təstiq etsə də Sabit Fətizadə hələ də təsdiq olunmayıb.
Qeyd edək ki, S.Fətizadə gəncəlilər arasında “Cahangirin yadigarı” kimi tanınır. Bu da, onun amansız xarakteri və mənfəətpərəstliyi ilə əlaqələndirilir.Bəlkə də, bir bankirin çalışdığı bank üçün can yandırması normal sayıla bilər, lakin bizə müraciət edən Gəncə sakinləri onun əsasən özü və yaxın ətrafı üçün çalışdığını xüsusilə qeyd edirlər.
Çox güman ki, Sabitin hələ Cahangir Haciyevin vaxtında bankın pullarının mənimsəməsindən qalan işlərinin istintaqı başa çatmadığı üçün Sabit Fətizadə hələ də filial müdiri vəzifəsinə təstiq ola bilməyib. Bu şəxs və onun zəngin qohumları bizdə maraq doğurduğu üçün onlarla bağlı araşdırmamız davam edir.
Xatırladaq ki, S.Fətizadənin banka sirkonium daşlarını “brilliant” adıyla girov qoyub, qohumlarının adına böyük məbləğdə kreditlər götürməsi haqda da ölkə mətbuatında çox danışılıb.
Əldə etdiyimiz digər məlumata görə Sabit Fətizadə ata tərəfindən Əbdürrəhman Vəzirovla yaxın qohumdur. Düzdür bizim apardığımız digər yazıların araşdırmalarında biz ölkənin bir nömrəli tikinti sektoruna sahib olan şirkətlərdə də Əbdürəhman Vəzirovun qohumlarının olduğunu öyrənmişik və hətta onların Əbdürrəhman Vəzirovun 20 yanvar hadisəsində törətdiyi cinayətlərə bəraət qazandırmaqların şahidi olmuşuq.
Göründüyü kimi, C.Hacıyev Azərbaycanın ən ağır faciələrindən olan 20 Yanvar hadisələrinin səbəbkarı Ə.Vəzirovun qohumlarına “stavka” etməsi ilə seçilirdi.
Milli Məclisin 29 mart 1994-cü il, 795 saylı qərarına görə də , (tam mətn burda ) Əbdürrəhman Vəzirov 1990-cı ilin yanvarın 19-dan 20-nə keçən gecə baş vermiş qətliamın əsas səbəbkarı sayılır: “20 yanvara qədər partiya, dövlət orqanları tərəfindən həyata keçirilən tədbirlərin, eləcə də Bakıda gedən ziddiyyətli proseslərin təhlili göstərir ki, yanvar faciəsi qabaqcadan planlaşdırılmış hərbi əməliyyatın nəticəsi olmuşdur. 1989-cu ilin axırından yanvar hadisələrinə kimi respublika rəhbərləri Əbdürrəhman Vəzirov və Ayaz Mütəllibovun imzaları ilə Moskvaya ünvanlanan şifroqramlar buna əsaslı sübutdur.
Şifroqramlarda Bakıya əlavə daxili qoşun və Sovet ordusu qüvvələrinin göndərilməsi tələb olunmuşdur…. Qoşunların Bakıya yeridilməsi kommunist rejimini saxlamaq, milli azadlıq hərəkatını boğmaq məqsədinə xidmət etmişdir. Azərbaycan Kommunist Partiyası Mərkəzi Komitəsi bürosunun 1990-cı il yanvarın 14-də keçirilmiş iclasında fövqəladə vəziyyətin tətbiq edilməsi ilə əlaqədar irəli sürülmüş təkliflər hakimiyyəti itirmək qorxusu ilə bağlı olmuşdur. 1990-cı il yanvarın 15-də Azərbaycan SSR Ali Soveti Rəyasət heyətinin sədri Elmira Qafarova Moskva şəhərində ezamiyyətdə ikən Azərbaycan SSR Ali Soveti Rəyasət heyətinin qeyri-qanuni iclasında yetərsay olmadığı halda, Azərbaycan Kommunist Partiyası Mərkəzi Komitəsinin birinci katibi Əbdürrəhman Vəzirovun təkidi ilə qəbul edilmiş qərarda Azərbaycanda; fövqəladə vəziyyətin tətbiq edilməsinə razılıq verilmişdir. Bu bir daha təsdiq edir ki, 20 yanvar faciəsi qabaqcadan planlaşdırılmış cinayət aktıdır”.
Ancaq bu gün Sabit Fətizadə ilə bağlı apardığımız araşdırmalar bir neçə maraqlı fakt diqqətimzi çəkdiyi üçün araşdımaları davam etdik. Sabit Fətizadə uzun illərdir Baynəlxalq Bankın Gəncə filialının müdiri vəzifəsində çalışıb və bu günlərimdə həmin vəzifəni müvəqqəti icra edir. O hər zaman özünü Cahangir Hacıyevə oxşatmaq istəyib, hətta Cahangirin idealarına da bu günlərdə də sadiq olduğunu göstərir.
Bu sadiqliyin sübutu bu gün redaksiyamıza daxil olub. Vaxtı ilə Gəncə şəhərinin icra başçısı olan Hacı Vaqifin oğlu Rövşənin Gəncə şəhərində 3 saylı xəstəxananın yaxınlığında yerləşən “Ozan” adlı restoranı olub.
Qeyd edək ki, Vaqif Süleyman oğlu Vəliyev 1940- cı ildə Gəncədə doğulub. Sonra Özbəkistana getmiş Hacı Vaqif Özbəkistandakı azərbaycanlılar arasında xeyriyyəçi kimi tanınıb.
Vaqif Süleyman oğlu Vəliyev 16 iyun 1993-cü ildən iyunun 24-dək Gəncə şəhər İcra Hakimiyyətinin başçısı olub.
O, vəzifədə olduğu az bir müddətdə Gəncə şəhərindəki İmamzadəni təmir etdirib, qısa müddətdə Gəncə əhalisinin böyük rəğbətini qazanıb.
Hacı Vaqif 1993-cü il iyunun 24-də Gəncə şəhər İcra Hakimiyyətində iş otağında güllələnərək qətlə yetirilib.
Həm mərhum Hacı Vaqifə görə, həm də bir çox gəncəlinin Özbəkistanda yaxşı imkan sahibi olmasına görə, Gəncə əhalisi daim Özbəkistan xalqına və özbək mədəniyyətinə qarşı isti münasibətdə olub.
Rövşən Vəliyevin “Ozan” restoranı da gəncəlilər üçün ən sevimli iaşə obyektinə çevrilmişdi. Lakin mənbənin məlumatına görə, Rövşənin maddi sıxıntıları getdikcə artır və bu ərəfədə Sabit Fətizadə onunla dostlaşaraq, problemlərinin həllində kömək edəcəyini deyir.
Sabit Fətizadə Rövşənə kredit verib. Və Sabit əvvəlcədən bilərək ki, Rövşən o krediti qaytara bilməyəcək krediti Rövşənə verib “Ozan” restorannı qirov götürür. Sonradan Sabit Rövşənin kreditinin üstünə o qədər sələm yükləyir ki, axırda Sabit həm “Ozan” restorannı mənimsəyir və kreditin sələmini Rövşən indiyədək ödəyib qurtara bilmir.
Hətta əldə etdiyimiz məlumata görə, S.Fətizadə rəsmi olaraq kredit ala bilməyənlər üçün müxtəlif variantlar düşünür, böyük “şapka”lar müqabilində onların “problem”ini həll edir.nazir mm
Vaxtı ilə Rövşən Özbəkistandan həmin restorana özbək aşbazların gətirərək orda gəncənin qonağları üçün özbək plovu və özbək mətbəxinə aid bir çox yeməklər təqdim edib. Ancaq bu cür hərəkəti ilə, Sabit Fətizadə gəncəlləri özbək plovundan məhrum edib. Çünki, o, özünü hər zaman Cahangir Hacıyevə oxşatmaq istəyib. Kiminsə obyektinə əvvəlcədən gözünü dikərək, sonra ona kredit verir, sələmlə yükləyir, sonda da obyektini mənimsəyir. Və həmin şəxs ölənədək Cahangirə və yaxud da Sabitə sələm qaytarır.
Uzun müddət maliyyə nazirinin müavini çalışmış İlqar Fətizadənin məhz Sabitin əmisi olması barədə də məlumatlar əldə etmişik.
Beləliklə, gəncəlilərin ən sevimli adamı olan Hacı Vaqifin yadigarı Rövşən Vəliyev bu borc nəticəsində Cahangir Hacıyevin yadigarı Sabit Fətizadənin əlində “əsir”ə çevrilir.
Güman ki, aidiyyatı olan qurumlar səviyyəsində araşdırma aparılsa, bir sıra həqiqətlər üzə çıxacaq.
