Son aylarda gömrük sistemində bir-birini əvəz edən həbslər və araşdırmalar sanki uzun illər gizli fəaliyyət göstərən bir “imperiya”nın təməlini sarsıtmağa yönəlib. Amma diqqətçəkən odur ki, bu prosesin dalğası genişlənsə də, “kölgə şirkətləri”n tam aradan qaldıra bilmir.

Elə isə hələ də gündəmdə olan sual budur - bu şirkətlərin kökü niyə kəsilmir?

İllərlə müxtəlif adlar altında qeydiyyatdan keçən və eyni şəxslərə bağlı olan onlarla şirkət, gömrük sistemindəki boşluqlardan yararlanaraq milyonlarla manatlıq malların “rəqəmsiz dövriyyəsini” həyata keçirib.

Onların fəaliyyəti təkcə fərdi maraqlardan yox, artıq sistemin özəyinə çevrilmiş bir idarəetmə mədəniyyətindən qaynaqlanır. Həbslər, araşdırmalar, açıqlamalar... amma nəticə dəyişmir. Çünki bu “kölgə mexanizmi” sadəcə icraçılardan ibarət deyil, o, koordinasiya olunmuş maraq zənciridir.

Səssizlik nə deməkdir?

Gömrük Komitəsinin rəhbərliyindən hələ də ciddi izah və ya mövqe yoxdur. Halbuki bu səssizlik ictimaiyyət arasında daha çox sual doğurur: Əgər problem illərlə dərinləşibsə, kimlər və niyə ona göz yumub?

Ekspertlər hesab edir ki, sadəcə həbslərlə məsələ həll olunmayacaq. Real şəffaflıq yalnız elektron izləmə, ictimai nəzarət və məsuliyyətli idarəetmə mexanizmləri** formalaşanda mümkündür.

Əks halda, bu gün həbs olunanların yerinə sabah yeniləri gələcək, eyni sxemlər, fərqli adlarla.

"DİA-AZ" xatırladır ki, Gömrük Komitəsinin sədri Şahin Bağırovun, eləcə də İdxal-İxrac İdarəsinin rəhbəri Azər Məmmədovun məhz özbaşına qalanlarının nəticəsidir ki, bu gün Azərbaycan gömrüyündə ayrı-ayrı qruplar meydan sulayır. Azər Məmmədova gəlincə isə, onun əmrləri Mehdiyevdən alması şəkk-şübhə doğurmur...