“Azərbaycan Respublikası Təhsil Nazirliyinin strukturunun təkmilləşdirilməsi ilə bağlı tədbirlər planı haqqında” Azərbaycan Respublikası Prezidentinin 2006-cı il 31 mart tarixli 1399 nömrəli Sərəncamına əsasən, Bakı şəhəri təhsil şöbələri ləğv edilib. Sərəncamın icrası məqsədilə Nazirlər Kabinetinin 28 iyul 2006-ci il tarixli qərarına əsasən, Təhsil Nazirliyinin birbaşa tabeliyində olan Bakı Şəhəri üzrə Təhsil İdarəsi yaradılmışdır.
BŞTİ yarandığından indiyə qədər keçən 13 il ərzində müxtəlif inkişaf pillələrindən keçib. Bəzən sərt tənqidlərə tuş gəlsə də təhsil sahəsində atılan mütərəqqi addımlarla da gündəmin qəhrəmanına çevrilib. Təbii ki, idarəyə rəhbərlik edənlərin iş təcrübəsi, fəaliyyət mexanizmləri bu sahədə mühüm rol oynayıb. Müxtəlif şəxslərin rəhbərlik dönəmlərində BŞTİ fərqli ampulalarda görünüb-hər halda paytaxtın pedaqoji ictimaiyyəti dediklərimizi təsdiq edə bilər.
Rubrika.Az xəbər verir ki, saytımız hər zaman BŞTİ-nin fəaliyyətini diqqət mərkəzində saxlayıb, müsbət və mənfi məqamları obyektiv şəkildə işıqlandırıb. Biz idarənin fəaliyyətinə şəxslərin prizmasından yanaşmamışıq,ümumi işin xeyrinə və ziyanına olan məqamlara diqqət ayırmağa çalışmışıq. Bu gün də eyni mövqedəyik-məqsədimiz fərdləri təhlil etmək deyil,ümumi işin xeyrinə çıxış etməkdir.
Hələ Elnur Əliyevin BŞTİ-nə rəhbərlik etdiyi dönəmdə baş verən neqativ hallara ən kəskin reaksiya saytımız tərəfindən verilib. Onun formalaşdırdığı qeyri-peşəkar-despotik idarəetmə mexanizmi tərəfimizdən kəskin tənqid edilib. Eyni tərzdə-bu dəfə müsbət ampulada Ceyhun Bayramovun mütərəqqi idarəetmə üslubunu-BŞTİ-də apardığı islahatları təqdir etmişik. Məhəbbət Vəliyevanın uğurla davam etdirdiyi idarəetmə kursunu da müsbət dəyərləndirmişik, geniş işıqlandırmışıq. Bütün bunları qərəzsiz,Azərbaycan təhsilinin inkişafına yardım məqsədilə etmişik. Çünki, media mənsubu olaraq “düzü düz,əyrini əri” yazmağı məslək borcumuz hesab etmişik.
Bu yazımızda BŞTİ-nin rəhbəri postunda artıq 10 aydır ki, qərarlaşan Rəşad Tağıyevin fəaliyyətinə nəzər salacağıq. Düzünü desək cənab Tağıyevin nəzər salınası elə də ciddi bir fəaliyyəti yoxdur desək daha doğru olar.Tez-tez mətbu orqanları dəvət etməklə görülən işlər barəsində ictimai müsbət fikir formalaşdırmaq idarəetmə deyil, öz-özünü aldatmaqla “gözdən pərdə asmaqdır”. Məşhur kinoda deyildiyi kimi bu... Çünki,onu tanıyanlar Rəşad müəllimi gözəl insan, peşəkar hüquqşünas,iqtisadçı, elm xadimi,dahi və s. kimi xarakterizə edə bilər. Amma daha yaxından tanıyanlar bilirlər ki, onun təhsil sisteminə yaxından-uzaqdan bağlılığı yoxdur. Kiminsə dostu,iş ortağı olmaq bu şəxsin zorən təhsil sisteminə transfer edilməsinə səbəb ola bilməz. Bu Messini Barcelonanın baksetbol komandasında oynatmaq kimi bir şeydir. Bunun topunu ver, qoy özü öz futbolunu oynasın.
R.Tağıyevin nəinki təhsil sisteminə bağlılığı,eləcə də idarəetmə qabiliyyəti sıfıra bərabərdir. O daha yaxşı icraçıdır-verilən əmrləri reallaşdırmağı,yuxarıdan edilən telefonları cavablandırmağı əla bacarır. Amma,nə deyirsinizsə deyin-paytaxtın təhsil sektorunu yönəltmək onun işi deyil. Zatən BBTİ hələ də “özü burda olmayıb ürəyi burda olanlar” tərəfindən yönəldilir. Nədənsə Elnur Əliyevin maliyyəçi barmağı hələ də BBTİ-nin cibindən çıxmır. Elə R.Tağıyev də bu barmağın cazibə dairəsindədir.
Rəşad Tağıyevin fəaliyyəti bütün sferalarda paytaxtın təhsil sektorunun çökdürülməsinə yönəlib. BŞTİ-də indiyə qədər tutduğu bütün vəzifələrdə demək olar ki, özünü doğrultmayan,daha çox ikinci plan oyunçusu funksiyasını yerinə yetirən bu şəxsin hansı məntiqlə belə yüksək posta gətirilməsi müxtəlif suallar doğurur. Yuxarıda qeyd etdiyimiz kimi bu postda da onun ikinci planda kiminsə gözəgörünməz missiyasını yerinə yetirdiyi şübhəsizdir.
R.Tağıyevin idarəçilik qabiliyyətinin yerində olmaması ilə yanaşı onun paytaxtın təhsil ictimaiyyəti arasında da ciddi nüfuzunun olmaması xüsusilə qeyd edilməlidir. Aldığımız məlumatlara görə, BBTİ-də sıradan bir məmurun məktəb direktorları üzərində nəzarəti və nüfuzu daha çoxdur, nəinki müdirin.
Ölkədə siyasi vəziyyəti gərginləşdirməyə, xaos,anarxiya yaratmağa cəhd edən qüvvələr son zamanlarda xeyli fəallaşıblar. Belə gərgin vəziyyətdə hər bir dövlət qurumu daha fəal olmalı,siyasi sayıqlığı artırmalıdır. R.Tağıyevin fəaliyyətsizliyi dövründə paytaxtın təhsil ocaqlarnda, BBTİ-də hər hansı tədbirin keçirilməsi, siyasi təbliğatın aparılması haqqında məlumata rast gələ bilməzsiniz. Elə bu nəzarətsizliyin,fəaliyyətsizliyin nəticəsidir ki, son təxribat xarakterli aksiyalarda bir xeyli təhsil işçisinin fəal iştirakı diqqətdən yayınmadı. Görünür R.Tağıyevin siyasi orientasiyasının ciddi araşdırmaya ehtiyacı vardır. İndi hamının dövlətçilik amalları ətrafında daha sıx birləşməli olduğu halda BBTİ-nin müdiri deyəsən siyasi sayıqlığını tamamilə itirib.
Ümumiyyətlə E.Əliyevin BBTİ-də formalaşdırdığı distant idarəçilik burada anarxiyaya səbəb olub. Bir daha qeyd edirik ki, kənardan idarənin fəaliyyətinə o qədər müdaxilələr mövcuddur ki, kimin əlinin kimin cibindən çıxdığı məlum deyil. Təbii ki, bu siyahıda E.Əliyevin “əli” xüsusi olaraq qeyd edilməlidir. Hörmətli vergilər naziri M.Cabbarovdan xahiş edirik ki, E.Əliyevin bu “əli”nin BŞTİ-dən çəkilməsini təmin etsin. Ümumiyyətlə onun nazirlik dönəmindən BŞTİ-də “həzin bir xatirə” kimi qalan R.Tağıyevin də öz doğma gəmisinə dönməsi daha yaxşı olardı.
Beləcə BBTİ Vergilər Nazirliyinin bir sektoru kimi fəaliyyət göstərməkdə davam edir!
BBTİ bu yarıtmaz idarəçilik ucbatından yersiz intiriqalara meydan olub. İdarədə olan daha peşəkar, öz işinin ustası olan kadrlar əslində müxtəlif yollarla təqib olunur, fəaliyyətinə əngəllər törədilir. Sirr deyil ki,BBTİ-nin müdir müavini İlhamə Abdullayeva indiki dönəmdə burada təhsil atmosferinin qorunub saxlanılmasında,paytaxt məktəblərinin problemlərinin həllində müstəsna rol oynayır. İlhamə xanımın təhsil sisteminə olan bağlılığı, bu işi dərindən bilməsi idarədə olan qeyri-peşəkarları əməlli-başlı qıcıqlandırır. Həmçinin onun böyük nüfuzu da bu “mehriban düşmənlər” üçün arzuolunmazdır. Bu gün hər vəchlə İlhamə xanımın fəaliyyətinə əngəllər törədilir, səlahiyyətləri azaldılır. Bu yersiz intriqaların son zərbəsi isə paytaxtın təhsil sisteminə dəyir. Həzarat, məlumunuz olsun ki, İlhamə Abdullayevanın şanına söylədiyim bu təriflər hərçənd ki, onun ürəyincə olmayacaq. Təbii ki, o özü əslində heç zaman bu yazının bu şəkildə dərc olunmasına razı olmazdı. Lakin böyük Sabirin dediyi kimi də "düzü düz, əyrini əyri" prinsipi ilə mənim demokratik ölkədə yazmaq hüququmu heç kəs əlimdən ala bilməz.
Dövlət başçısının, xüsusilə Mehriban xanımın təhsil sisteminə göstərdiyi böyük diqqət nəticəsində son illərdə böyük uğurlar əldə edilib. Çəkilən zəhmət artıq ilkin bəhrələrini verir. Belə bir məqamda paytaxtın təhsil sektorunun fəaliyyətinə mane olan bu yersiz intriqalar,qeyri-peşəkar idarəetmə kimlərin maraqlarına xidmət edir? Təhsillə elə də ciddi bağlılığı olmayan şəxslərin ümidinə qalan Bakı təhsilini acınacaqlı duruma salmaq bilavasitə dövlətin, nazir C.Bayramovun bu sahədə atdığı inqilabi addımlara badalaq vermək deyilmi? Təhsiilimizə badalaq atan əlləri,ayaqları kəsməyin zamanı çatmayıbmı...
Rubrika.Az
