Hazırda Ukraynanın cənubundakı vəziyyətə çox diqqət yetirilir, lakin Donbassda da şiddətli döyüşlər gedir. Müharibənin Öyrənilməsi İnstitutunun (ISW) məlumatına görə, Rusiya ordusu bu yaxınlarda Kleşçievka yaxınlığında, həmçinin Baxmutdan yeddi kilometr aralıda, Boqdanovkanın şərq və cənub-şərqində bir neçə quru hücumu həyata keçirib. Amma irəliləyişin təsdiqi yoxdur.

Öz növbəsində Ukrayna Müdafiə Qüvvələri yay əks-hücum əməliyyatı zamanı Donetsk vilayətində bir neçə kəndi azad edib, lakin biz nəhayət, rusları Donbassdan qovmaqdan danışmırıq.

Məsələ burasındadır ki, bizim buna gücümüz, vəsaitimiz çatmır, ya da onların özbaşına getməsinə təsir göstərə bilmirik. Axı biz işğal olunmuş Krımdan danışanda nəzəri cəhətdən iki təchizat xətti var və onlar kəsilə biləcəyini deyirik. Onda ruslar Zaporojye istiqamətindən geri çəkiləcək. Bununla belə, rusların Donbassdan geri çəkilməyə qərar verməsi üçün tədarük marşrutlarını kritik həddə qədər pozmaq demək olar ki, mümkün deyil.

Hərbi hədəfləri məhv etmək üçün raketlərin sayı yetərli deyil.

Həm işğal olunmuş Krımda, həm də Donetsk vilayətinin işğal olunmuş ərazisində hərbi obyektlərin sayı minlərlə ölçülür. Raketlərin sayı isə bu hərbi hədəfləri məhv etmək üçün kifayət deyil.

Yəni kimsə düşünürsə ki, bizə minlərlə raket verilib, bu, səhvdir. Onlardan cəmi əlliyə yaxın var. Təxminən eyni sayda "Skalp" var. Çox uzun məsafəsi olmayan (150 kilometrə qədər olan versiya) ATACMS versələr də, yüzlərlə deyil və heç verilməyəcək də.

Nəzərinizə çatdırım ki, hətta ruslar da müharibənin ilk günlərində - anbarlara və mövqelərə hücum edəndə bütün arzulanan obyektlərin məhv edilməsinə zəmanət verə bilmədilər. Tam miqyaslı işğalın ilk günlərində 600-700 raketdən istifadə etmələrinə baxmayaraq, heç bir nəticə əldə etmədilər. İndi bizə minlərlə raket vəd belə vermirlər.

Yerli istehsalın artması tələbatı ödəyə bilmir. İstehsal olsa belə, bunun da sayı minlərlə olmayacaq. Bundan əlavə, etiraf etmək lazımdır ki, eyni "Neptunlar”ı və digərlərini istehsal etmək üçün baza təəssüf ki, məhv edildi. Bizim raketlərimiz faktiki olaraq xaricdə yığılır. Onlar isə təkrar edirəm, az miqdardadır. Digər problem isə mütəxəssislərlə bağlıdır. Kadrların yaşlanması, ümumiyyətlə, Ukraynada 2022-ci ilə qədər baş verib. İndi problem daha da pisləşib. Bu, əlbəttə ki, həll edilə bilər, lakin bunun üçün vaxt lazımdır.

Ona görə də bütün bunları nəzərə alsaq, Donbassda tədarükləri məhv etməyin, demək olar ki, mümkün olmadığını nəzərə alsaq, rusların özlərini geri çəkməsi üçün burada iki yol ola bilər. Birincisi diplomatik - Qərb ölkələrinin Rusiyaya təzyiqidir. İkincisi, Rusiyada qarışıqlıq və bəzi daxili problemlər başlayana qədər vəziyyəti qorumaqdır. Yəni ki, ya Rusiya Federasiyasında rejim dəyişikliyindən sonra, ya da Qərbin təsirli təzyiqləri nəticəsində nələrsə əldə etmək olar. O zaman biz də Qarabağı işğaldan azad edən azərbaycanlıların etdiklərini edə biləcəyik. Azərbaycanlılar 35 ildir bunu gözləyirdilər... Amma bunun üçün bizim həm də öz işğaldan azad etmə strategiyamız və içəri girəndə dəqiq nə edəcəyimiz barədə anlayışımız olmalıdır.

Müəllif: Mixail Jiroxov - Hərbi ekspert
Mənbə: UNİAN
Tərcümə AYNA-ya məxsusdur