Məlum olduğu kimi dünən ölkə başçısı, prezident İlham Əliyevin sədrliyi ilə Nazirlər Kabinetinin 2019 cu ilin birinci rübünün sosial-iqtisadi inkişafının yekunlarına və qarşıda duran vəzifələrə dair keçirilən müşavirədə bir çox aktul məsələlərə toxundu. Cənab prezident idarəetmə sahəsində ciddi islahatların aparılmasına ehtiyac olduğunu nazirlərin diqqətinə çatdırdı və bildirdi ki,“Mən bunu demişəm, bu gün də, əvvəlki çıxışlarda da. Hər bir sahədə inkişaf üçün böyük meydan var. Hər bir sahədə, əgər o sahəyə rəhbərlik edən insanlar öz işinə vicdanla yanaşarlarsa, mütləq nəticə də olacaq. Bu, ictimaiyyət tərəfindən də mütləq yüksək qiymətləndiriləcək.” Prezident İlham Əliyev həmçinin “Azəriqaz”İstehsalat Birliyinin fəaliyyətindəki nöqsanlara da toxundu və bildirdi ki, “Mənə məlumat verilir ki, “Azəriqaz” özü birtərəfli olaraq hansısa qaydalar tətbiq edir və bəzi hallarda insanlara problemlər yaradır. Buna son qoyulmalıdır və burada maksimum şəffaflıq, ədalət olmalıdır. Çünki yerlərdən belə siqnallar gəlir ki, həm sayğaclarla, həm qazın keyfiyyəti ilə bağlı problemlər var, bunlar tamamilə aradan qaldırılmalıdır. Bütün sahələrdə – elektrik enerjisi, içməli su, təbii qazın verilməsi ilə bağlı maksimum şəffaflıq və ədalət olmalıdır”.
Aktualinfo.org olaraq yerlərdə “Azəriqaz” işçiləri tərəfindən sakinlərin heç bir əsas olmadan incidilməsi, xüsusən də Bakı Regional Qaz Satışı Departamenti işçilərinin qanunazidd əməllərindən, süni sayğac problemlərinin yaradılması ilə bağlı bir neçə vətəndaşın şikayəti əsasında geniş məqalələr yaymışdı. Prezident İlham Əliyevin bu çıxışından sonra ədalət öz yerini tapmış oldu.
Amma ədalətsizliyin hələ də davam etdiyi orqanlar, daha doğrusu, bir sıra dövlət orqanlarının rəhbərləri hələ də ədalətsizliyə rəvac verməkdədirlər.Belə orqanlardan biri də Dövlət Neft Şirkətinin struktur vahidinə daxıl olan, 5000-dən çox işçi qüvvəsinin çalışdığı “Neftqaztikinti” Trestidir ki, ədalətsiz və qeyri şəffaf ab-hava uzun illərdir hökm sürməkdədir. “Neftqaztikinti” Trestində baş verən qanunsuzluqlara uzun illər müdiriyyət tərəfindən göz yumulması barədə Aktualinfo.org onlayn qəzetində yayılan silsilə araşdırma yazılar dəyərli oxucularımız tərəfindən razılıq hıssı ilə qarşılandı. Məlum yazılardan sonra sözügedən qanunsuzluqların faş olması azmış kimi “Neftqaztikinti” Trestinin müdiri Mirkazım Abasov daha bir yalana əl atmalı olub.Müdir dolayısı yollarla Sevinc Mollayevanı hələ də müdafiə etməkdədir. Əldə etdiyimiz son informasiyalara görə Mirkazım Abasov Dövlət Neft Şirkəti Kadr,Rejim və İnformasıya Texnologiyaları üzrə vitse-prezident Xalik Məmmədova novbəti yalan məlumat verib. Belə ki, Sevinc Mollayevanın Dövlət Neft və Sənaye Universitetinin nəzdindəki Sənaye Müəssisələri İşçilərinin İxtisasartırma və Yenidənhazırlanma İnstitutunda “Menecment” ixtisası üzrə yenidənhazırlanma təhsili almasını bildirib. Amma Mirkazım Abasov onu unudub ki,İxtisasartırma və Yenidənhazırlanma İnstitutunda yalnız ali təhsili olanlar ixtisas artıra və yaxud da yenidənhazırlanmaya qəbul olunurlur. Həm də bir başa Təhsil Nazırlıyinin razılığı əsasında. Belə olan halda Azərbaycan Müəllimlər İnstitutu Gəncə filialının saxta diplomunu Təhsil Nazirliyi hansı əsaslarla yenidənhazırlanma institutuna qəbul edə bilər? Dövlət Neft və Sənaye Universitetinin rektoru Mustafa Babanlının görəsən bu məsələdən xəbəri varmı? Mirkazım Abasov qanunsuz əməllərinin masştabını genişləndirməklə görəsən nələrə nail olmaq istəyir? Bəlkə Mirkazım Abasov Sevinc Mollayevadan qorxur? Niyə də qorxmasın. On ilə yaxındır “Neftqaztikinti” Trestinin kadrlar şöbəsindəki bütün qaninsuz işləri axı onun əli ilə həyata keçirib.
Götürək elə bu ilin yanvar yında baş vermiş yol qəzasında”Neftqaztikinti” Trestinin işçisi olmuş Mehman Cavadovun ölümunu.Əldə etdiyimiz məlumatlara görə Mehman Cavadov hadisə olan gün qrafik üzrə dənizdə olmalı idi. Lakin o Mirkazım Abasovun göstərişi ilə Neft Şirkəıtində çalışan məsul vəzifəli şəxsin bağ evində işləyirmiş,həm də beş altı ay əvvəl o işə gedirmiş. Mehman Cavadov hətta iş yoldaşlarına şikayətlənirmiş ki, “işə çıxsaydım, canım dincələrdi”. Hadisənin baş verdiyi gecə,yəni yanvar ayının 20-dən 21-ə keçən gecə də Mehman Cavadov “Neftqaztikinti” Trestinin iki nəfər başqa işçisi ilə birgə bağ evində işlədikdən sonra evə qayıdarkən avtomobil qəzasına düşüblər. Hadisədən dərhal sonra Mirkazım Abasovla insan resursları şöbəsinin müdiri olmuş Sevinc Mollayeva ilə trestin işçilərinin güya ezamiyyətdə olduqları barədə geri tarixə ezamiyyə vərəqəsi tərtib edərək istintaq orqanlarının fikrini yayındırmışlar. Mirkazım Abasov bununla da kasıb kəndli olan Mehman Cavadovun ailəsinə çatacaq sığorta pulunu da ödəməkdən yayınıb. Güya onlar idarənin maşımında deyil, şəxsi avtomobillərində qəzaya uğrayıblar. Ezamiyyəyə gedərkən hansı avtomobildən istifadə olunmasını qəzaya nə dəxli var. Ezamiyyəyə qatarla da, təyyarə ilə də getmək olar. Bəs onda nə bəhanə gətirmək olar? İkinci tərəfdən “Neftqaztikinti” Trestinin işçiləri Göyçaya nə üçün ezam olunmuşdular? Bəlkə Göyçayda da neft çıxır, bizim xəbərimiz yoxdu? Bu ölüm hadisəsinin qaranlıq tərəfləri mütləq araşdırılmalıdır.
Aktualinfi.org onlayn qəzet redaksiyası bu ölüm hadisəsi ilə bağlı Respublikanın Baş Prokuroru Zakir Qaralova və Daxili İşlər Naziri Ramil Usubova müraciət hazırlayıb. Bu ölüm hadisəsinin istintaqı yenidən aparılmalı,”Neftqaztikinti” Trestində çalışan məsul vəzifəli şəxslərin izahatı alınmalıdır.Elə Mirkazım Abasovun köməkçisi Mais Bədəlovun izahatı mütləq alınmalıdır. Əldə etdiyimiz məlumatlara görə Mehman Cavadov onun Dövlət Neft Şirkətində çalışan yüksək çinli məmur qohumunun bağ evində işləyirmiş. Ölüm hadisəsi olan gecə geri tarixə ezamiyyə vərəqəsinin yazılmasında məlumatlara görə, Mais Bədəlov da iştirak edib.Biz bir mətbuat orqanı olaraq ölkə başçısı İlham Əliyev cənablarına da müracıət edəcəyik. Çünki məmurlar törətdikləri qanunsuzluqlara, özbaşınalıqlara cavab verə bilmirlir.Yalnız cənab Prezident özü münasibət bildirikdən sonra haqq-ədalət,yerini tapır,bərqərar olur
