Şəhərimizdə gözəl villalar, imarətlər görəndə "sağlıqla işlədəsiniz" deyirik. Amma burda bir incə məqam var. Bu cah-cəlal, bu zənginlik alın təri, zəhmət hesabına qazanılıb, yoxsa narkotik alveri, rüşvət, korrupsiya, qadın alveri, uşaq alveri, ciyər, ürək və s. alveri hesabına əldə olunub? Bəlkə qaçqınlara ayrılan humanitar yardımların hesabına başa gəlib bu saraylar? Bəlkə şəhid uşaqlarına, veteran ailələrinə ayrılan pullardan kəsilərək tikilib bu "quşqonmaz"lar? Söhbət halal, yoxsa haram yolla qazanılmış pullardan gedir. Halal-haram məsələsi isə, bizim uydurmamız-zadımız deyil, dünyanın 4 müqəddəs kitabında əsas dəyər kimi qəbul edilib. Düzdür, bu gün əksər xristian-Avropa ölkəsində məmurdan öz gəlirləri ilə bağlı dəqiq deklarasiya tələb edilir ki, pulun mənbəyi nədir? Bu elə halalıq deməkdir.
Bizdə isə 5 ildir məmurların gəlirləri ilə bağlı qanun qəbul edilib, amma nəinki iri, heç xırda məmurlardan da hesabat tələb edən yoxdur. Hesabat olmayan yerdə isə halallıqdan, ədalətdən, inkişafdan danışmaq mənasızdır. Bəli 5-10, lap 100, hətta 1000 nəfər əla dolana, cənnət əhli kimi yaşaya bilər, ancaq bu 5-10, hətta 1000 nəfər millət demək deyil. 5-10 nəfər Tariyel deməkdir...tariyellər isə xalq demək deyil. Bizim istədiyimiz odur ki, ölkəni 5-10 nəfər yırtıcı kimi daraşıb yeməsin. Axı Tariyeldən soruşan yoxdur ki, sən dövlət məmurusan, poils sistemində çalışırsan, dövlətdən bəlli-konkret-300-400 manat maaş alırsan...bəs bu boyda imarətlər, villalar, mülklər, xarici maşınlar səndə haradandır? Axı miqyası milyonlarla ölçülən bu sərvətin bir mənbəyi olmalıdır. Axı dövlət məmurunun biznes fəaliyyəti ilə məşğul olması cinayətdir.
Tariyel Məmmədov kimin dostudur? Tariyel Məmmədov hələ SSRİ vaxtında Daxili İşlər orqanlarında xidmətə qəbul olunub. Bir müddət sonra Azərbaycan Respublikasının Daxili İşlər orqanlarına xidməti iş yerini dəyişdirib və ölkənin ikinci paytaxtı adlanan Gəncə şəhərində DYPX-də xidmətini davam etdirib. Sonra Tariyel Məmmədov yenidən xidməti iş yerini DYPX-dən, Bas Dövlət Yol Polis idarəsinin Gəncə şəhərində yerləşən, 9 saylı Rayonlararası Qeydiyyat İmtahan Şöbəsinə- "MERO"-ya dəyişib və sürücülük vəsiqəsi verilən qrupa rəhbər təyin olunub. Onu da qeyd edək ki, həmin vaxtlar 9 saylı "MERO"-nun rəisi Oktay Xasıyev idi. Tariyel Məmmədov həmən vəzifəyə təyin olunan gündən Gəncəbasar zonasının, daha dəqiq desək, Xanlar (indiki Göygöl), Samux, Daşkəsən, Naftalan rayonlarının sürücülərinin qara günləri başlayıb. Sürücülük vəsiqəsi almaq istəyən şəxslər Tariyel Məmmədovun yanına gedərkən, onlara sürücülük vəsiqəsinin dövlət rüsumundan 10 dəfə artıq qiymət-rüşvət tələb edilirdi. Vətandaşların narazılığını T.Məmmədov belə cavablandırırdı ki, bu qiyməti mən yox, MERO-nun rəisi Oktay Xasıyev qoyub və bütün bu rüşvət rəisin cibinə gedir. Tariyel Məmmədov narazı olanlara bildirirdi ki, kimin nə iradı var buyursun Xasıyevin mənim otağımla üzbəüz olan kabinetinə, sözünü ona desin. Beləliklə Tariyel Məmmədov bütün narazılıqları öz rəisinin üzərinə yönəldirdi. Oqtay Xasıyev yatsa yuxusuna da girməzdi ki, Natiq Əfəndiyev, Qərib Həsənov kimi rəislər onu yerindən tərpədə bilmədilər, lakin Tariyel Məmmədov çox böyük özünəməxsus hiyləgərliklə Oqtay Xasıyevi aşırdıb onun yerinə rəis keçdi. Bundan sonra Gəncəbasar zonasının sürücülərinin problemləri birə yüz artdı. Tariyel Məmmədov öz tabeçiliyində olan şəxsi heyət ilə görüşərək bir məşhur nitq söylədi: Mən bu vəzifəyə təyin olunmaq ücün Ramiz Zeynalova 750.000 dollar pul vermişəm və bu gündən yeni tariflər təyin olunacaq. Hər bir sürücülük vəsiqəsinə görə 800 AZN tələb edən Tariyel Məmmədov, bu pulun guya 650 AZN yuxarı çatacağını, qalan 150 AZN-in isə dədə malı kimi kollektiv arasında bölünəcəyini bilidirib. Bununla da Tariyel Məmmədov özünə yeni üsul icad elədi ki, kar, kor sürücülük vəsiqəsi ala bilər, ancaq heç bir vətəndaş öz biliyi ilə sürücülük vəsiqəsi ala bilməz. Tariyel Məmmədov öz işçilərinə tapşırır ki, hər cür vasitə ilə vətandaş imtahandan kəsilməlidir, əks halda səxsi heyət öz cibindən "katyol"a pul atmalıdır. Bu qayda ilə Tariyel Məmmədov "MERO"-nun tarixində yeni eranın əsasını qoydu. Baxmayaraq ki, MERO xətti T.Məmmədovun maddi durumunu zənginləşdirmişdir, rəis təyin olunan gündən T.Məmmədovun maddi durumu sürətlə artmaqdadır. Ancaq ölkə prezidentinin dövlət məmurlarına qayğısı, dövlətdən aldığı yüksək maaş Tariyel Məmmədovu qane etmir. Vətandaşlar ona narazılıqların bildirəndə, o vətəndaşları otağından qovaraq söyləyir ki, istəyirsiz gedin prezidentə sikayət edin, mənim ücün fərqi yoxdur, yığılan pulları mən Baş İdarəyə verirəm. Son vaxtlar isə bir çox yerlərdə söyləyir ki, yaxın zamanlarda Ramiz Zeynalovun yerinə özüm təyin olunacam. Bu arxayınlıq ondan yaranıb ki, Tariyel Məmmədov hər yerdə söyləyir ki, guya daxili işlər nazirinin müavini Vilayət Eyvazov onun yaxın dostudur, arxasıdır və sübut kimi də onu gətirir ki, guya hörmətli Vilayət Eyvazov Gəncə şəhərində iclas kecirərkən, tapşırıq verib ki, Tariyel Məmmədovu çağırın mənim yanımda olsun. Amma Tariyel Məmmədov bir məsələni unudur ki, hörmətli nazir müavini tabeçiliyndə olan hər bir polis əməkdaşını yanına çağırtdıra bilər və bu dostluq demək deyil. Bu gün Tariyel Məmmədov özünə yeni ləqəb qazanıb: oliqarx - sahibkar - rəis Azərbaycan Respublikasinda yaranan Korrupsiyaya Qarşı Mübarizə Komissiyası, Respublika Bas Prokurorluğunda yaranan Korrupsiyaya Qarşı Mübarizə İdarəsi, hörmətli daxili işlər naziri Ramil Usubov və onun tabeçiliyində olan aidiyyəti idarələr, Tariyel Məmmədovdan niyə soruşmurlar ki, bu milyonları hansı yollarla əldə etmisən, idarə etdiyin 150.000 dollar qiymətində olan Mercedess CL markalı CİP, oğlunun idarə etdiyi 160.000 dollar qiymətində olan BMV X6 markalı CİP, Torqovı küçəsində yerləşən ADİDAS dükanının üstündə 10.000.000 manatlıq mənzil, İSR-PLAZA binası ilə üzbəüz yerləşən binada 1.250.000 manatliq mənzil, Fəvvarələr meydanında yerləşən 2.000. 000 manat qiymətində olan Ciko adlanan geyim mağazası, Axundov bağının ətrafında yerləşən binada 600.000 manatlıq mənzil, İçəri-şəhər metrosunun yaxınlığında yerləşən binada 1.000.000 manatlıq mənzil, Bayılda 10.000 000 manat qiymətində olan Hotel (Panorama), arxasında 5.000.000 manat qiymətində olan yaşadığı villası. Bununla Tariyel Məmmədovun var-dövlətinin siyahısı bitmir, sadəcə, əgər siyahını davam etsək, qəzetimizin səhifəsində yer qalmaz. Əgər hüquq-mühafizə orqanlarının bizim dərc etdiyimiz siyahıya sübhələri varsa, başda Tariyel Məmmədov olmaqla biz bu mülkiyyətlərin rəsmi ünvanlarını, şəkillərini dərc edə bilərik. Onu da qeyd edək ki, T.Məmmədov özünə məxsus siyasət işlədib, bütün bu milyonlarla var-dövləti yaxın qohumlarının adına rəsmiləşdirib. Biz bir mətbuat vasitəsi olaraq daxil olan bu müdhiş informasiyanı cəmiyyətə və müvafiq dövlət qurumlarına çatdırmaqla öz funksiyamızı yerinə yetirdik. Bunları araşdırmaq isə dövlət qurumlarının vəzifə borcudur. Amcaq onu bildirmək istəyirik ki, nikahı pozmaqla cinayətdən qaçmaq gülüncdür. Tariyel Məmmədovun sevimli bir şüarı var: Kim deyir, bu ölkədə haqq ədalət yoxdur, haqqını ver ədalətini al. Ancaq bizə elə gəlir ki, bu dəfə Tariyel Məmmədovun sevimli şüarı onun köməyinə çatmayacaq. Qarşı tərəfin də söz demək haqqını qəbul edirik. P.S. Bu mövzuya yenidən qayıtmağımızın bir səbəbi var. Bu gün ölkədə rüşvət və korrupsiyaya qarşı mübarizədən danışılsa da, görünür, bu söz-söhbətlər Gəncəyə çatmayıb. Tariyel Məmmədovun rəhbərlik elədiyi qurumda rüşvət və korrupsiya nəinki yığışdırılmayıb, əksinə qiymətlərdə şok qaldırımlar var. Bu barədə geniş reportajı növbəti sayımızda oxuya biləcəksiniz. Bizi izləyin.(Reportyor.TV)
