Ermənistanda fərqli düşüncəli insanlara və dini inanclara qarşı təzyiqlərin artması ölkənin gələcəyini sual altına alır. Bu barədə Rusiya Dövlət Dumasının Vətəndaş cəmiyyətinin inkişafı, ictimai və dini birliklər məsələləri üzrə komitəsinin sədr müavini Oleq Leonov açıqlama verib. Onun sözlərinə görə, rəsmi Yerevanın bu cür siyasəti Ukraynanın keçdiyi yolu xatırladır və ciddi nəticələrə yol aça bilər. Parlament üzvü bildirib ki, Ermənistan hakimiyyətinin dini inanclara qarşı sərgilədiyi münasibət çox kədərlidir və bu cəmiyyətin birliyinə zərbə vurur.

“Kilsənin hökumətin işinə qarışması, siyasiləşməsi və dini liderin kilsə qaydalarını pozmasına qarşı Paşinyan rəhbərliyinin təzyiqləri artib. Hökumət kilsəni dövlətə tabe etmək və neytrallaşdırmaq istəyir. Rusiya və bəzi dairələr isə Paşinyan hökumətinə kilsənin əli ilə təsir etməyə cəhd edirlər. Hətta Azərbaycan ilə Ermənistan arasındakı sülh prosesinin təmin olunması kimi əhəmiyyətli regional məsələlərin həllinə də kilsə maneə yaradırdı. Həmçinin kilsə Ermənistan hakimiyyətinin müstəqil addım atmasına imkan vermir".

"Baş nazir və kilsə mənsubları eyni dindədirlər. Düşünmürəm ki, Paşinyan Avropadan fərqli inancdan olan, qeyri millətdən kimisə kilsəyə başçı təyin etmək istəsin. Bu cür açıqlamalar Ermənistanda din-dövlət münasibətlərini gərginləşdirməyə hesablanıb. Rusiya tərəfi kilsəni Ermənistana qarşı təsir aləti kimi istifadə etmək istəyir. Bu niyyət baş tutmadıqda isə belə mülahizələr yürüdülür. Düşünürəm ki, Ermənistan hakimiyyəti xalqın inancına yox, din adı ilə siyasətə müdaxilə edənlərlə, kilsəni siyasiləşdirənlərlə və Rusiya təsirində olan qüvvələrin din, inanc adı ilə proseslərə müdaxiləsinə qarşı mübarizə aparır. Təbii ki, onun artdığı addımlarda da yanlışlıqlar və hüquq pozuntuları olmamış deyil. Lakin bunun Rusiyanın narahatlığına səbəb olası ciddiyyətdə olması real görünmür”.