“Cənubi Qafqazda baş verən proseslərə regiondan kənar qüvvələrin müdaxiləsi ilə bağlı dolaşan şayiələr region ölkələri tərəfindən rədd edilib,” – deyə Bəqayi vurğulayıb.

“Müxtəlif dövlətlər bu cür çağrışlar edir. İran da hər iki dövlətə qonşu ölkə olaraq münaqişənin tezliklə sonladırılmasını regional sülh və sabitliyi üçün vacib olduğunu deyir. Münaqişə başladığı andan İranın bu məsələ ilə bağlı mövqeyinin şahidi olmuşuq. O, hər zaman bu cür bəyanatlarla çıxış edir, hətta öz vasitəçiliyini irəli sürür. Biz Qarabağ müharibəsi başlayanda-1990-cı illərdə uğursuz belə olsa, İranın vasitəçiliyini görmüşük. Üçüncü dövlətlərin bu prosesdə iştirak etməməsi barədə verilən açıqlamalar isə ABŞ-lə bağlı olan məsələdir”.

“İran tərəfi də bir daha bundan narahatlığını bildirmək istəyib. Ermənistan tərəfi isə açıqlama verib ki, xeyr, bizim belə bir niyyətimiz yoxdur. Bu həmçinin Ermənistan konstituasiyasına da ziddir. Çünki konstituasiyaya, əsasən, torpaqlar başqa bir dövlətə yalnız kənd təsərüffat təyinatı ilə istifadəyə verilə bilər. Ermənistan qanunları icazə vermir ki, hansısa bir ərazi starateji məqsədlər üçün başqa bir dövlətə icarəyə verilsin. Buna görə də Ermənistan tərəfi bundan imtina etdi. İranın bu cür ritorika sərgiləməsinə də heç bir səbəb yoxdur”.